"ചില ബന്ധങ്ങൾ തകർന്നാലും സ്‌നേഹം നിലനിൽക്കും": ദീപിക

"ചില ബന്ധങ്ങൾ തകർന്നാലും സ്‌നേഹം നിലനിൽക്കും": രൺബീറിനെക്കുറിച്ച് ദീപിക

ബോളിവുഡിൽ വീണ്ടും താരവിവാഹമെന്ന് പറഞ്ഞായിരുന്നു ദീപികയുടെയും രൺവീർസിംഗിന്റെയും വാർത്ത മാധ്യമങ്ങൾ ഏറ്റെടുത്തത്. രൺവീർ വിവാഹത്തിന് നേരത്തേ സമ്മതം മൂളിയെന്നും ദീപികയാണ് കുറച്ച് സമയം ചോദിച്ചതെന്നും ദീപികയുടെ സുഹൃത്ത് പറഞ്ഞതായി ഒരു ദേശീയ മാധ്യമം റിപ്പോർട്ടുചെയ്‌തിരുന്നു.

എന്നാൽ ദീപികയും രൺ‌ബീറും നേരത്തേ പ്രണയത്തിലായിരുന്നു. ആ ബന്ധം തകർത്തത് ദീപികയെ മാനസികമായി ഏറെ തകർത്തിയിരുന്നു. ആ വിവാഹം നടന്നിരുന്നെങ്കിൽ സിനിമാ ജീവിതം നിർത്തി ദീപിക കുടുംബിനിയായി തുടരുമായിരുന്നു. രൺബീറിനെ ഇപ്പോഴും പ്രണയിക്കുന്നുണ്ടോ എന്ന് ചോദിച്ചതിന് ദീപിക മറുപടി പറഞ്ഞതും കൗതുകകരമാണ്. തമാശ സിനിമയുടെ പ്രചരണത്തിനിടെയാണ് ദീപികയ്‌ക്ക് ഈ ചോദ്യത്തിന് ഉത്തരം പറയേണ്ടിവന്നത്. "തീർച്ചയായും, ചില ബന്ധങ്ങൾ തകർന്നാലും സ്‌നേഹം നിലനിൽക്കും" എന്നാണ് താരം പ്രതികരിച്ചത്.

എന്നാൽ രൺവീറിന്റെ തിരക്കുകൾ കഴിഞ്ഞാൽ ആരാധകർ കാത്തിരിക്കുന്ന രൺവീർ-ദീപിക വിവാഹം ഉണ്ടാകുമെന്നാണ് സൂചനകൾ. സ്വിറ്റ്‌സർല‌ൻഡിൽ വെച്ചായിരിക്കും വിവാഹം. എന്തായാലും ബോളിവുഡ് സിനിമാ ലോകം വീണ്ടുമൊരു താരവിവാഹത്തിനായി കാത്തിരിക്കുകയാണ്.