വിവാഹ ശേഷം അശ്വിന്റെ പൂണൂലുകളുടെ എണ്ണം കൂടി: കാരണമിത്

സെപ്റ്റംബർ 5ന് ആയിരുന്നു ദിയ കൃഷ്ണയും അശ്വിനും വിവാഹിതയായത്. വൻ ആഘോഷമാക്കിയായിരുന്നു വിവാഹം. കല്യാണവും ഹൽദിയും എല്ലാം ദിയ സോഷ്യൽ മീഡിയയിൽ പങ്കുവെയ്ക്കാറുണ്ട്. ദിയ പങ്കിട്ട ഏറ്റവും പുതിയ വീഡിയോയാണ് ശ്രദ്ധിക്കപ്പെടുന്നത്. അശ്വിൻ്റെ അമ്മയ്‌ക്കൊപ്പമുള്ള കുറച്ച് നിമിഷങ്ങളാണ് വീഡിയോയായി ദിയയുടെ പുതിയ വീഡിയോയിലുള്ളത്.

ദിയയെ പോലെ തന്നെ അമ്മായിയമ്മയ്ക്കും ഒരു ചെറുകിട സംരംഭമുണ്ട്. ഓഡറുകൾ ലഭിക്കുന്നതിന് അനുസരിച്ച് അച്ചാറുകൾ, സ്‌ക്വാഷ്, സർബത്ത് തുടങ്ങിയവയെല്ലാം അശ്വിൻ്റെ അമ്മ തയ്യാറാക്കി വിൽപ്പന നടത്തുന്നുണ്ട്. അശ്വിന്റെ കുടുംബം തമിഴ് ബ്രാഹ്മിൺസാണ്. അശ്വിൻ ധരിച്ചിരിക്കുന്ന പൂണൂലിനെ കുറിച്ചും ദിയ വീഡിയോയിൽ വിശദീകരിച്ചു. മൂന്ന് നൂലുകൾ ചേർത്ത പൂണൂലായിരുന്നു വിവാഹത്തിന് മുമ്പ് വരെ അശ്വിൻ ധരിച്ചിരുന്നത്.

വിവാഹിതനായശേഷം ഗൃഹനാഥനായതിനാൽ ആചാരപ്രകാരം മൂന്ന് നൂലുകൾ കൂട്ടി ചേർത്ത് ആറ് നൂലുകളുള്ള പൂണൂലായി. ഇനി കുഞ്ഞ് പിറന്ന് കഴിയുമ്പോൾ നൂലുകളുടെ എണ്ണം ഒമ്പതാകും എന്നാണ് ദിയ പറഞ്ഞത്. ഒരു കുഞ്ഞ് കൂടി പിറന്ന് കഴിഞ്ഞാൽ ലൈഫ് ഫുൾ ഫില്ലായതുപോലെയാണെന്ന് ദിയയോട് അമ്മായി അമ്മ പറയുന്നത് കേൾക്കാം.