ആശുപത്രി കിടക്കയില്‍ ഭാഗ്യലക്ഷ്മി, മോശം അവസ്ഥയിലാണെന്ന് നടി

മഴക്കാലം എത്തിയതോടെ സംസ്ഥാനത്ത് അസുഖങ്ങളും കൂടി വരുകയാണ്. പലതരത്തിലുള്ള പനികള്‍ ബാധിച്ച് നിരവധി ആളുകളാണ് ആശുപത്രിയില്‍ ചികിത്സ തേടി എത്തുന്നത്. എച്ച് 1 എന്‍ 1 ബാധിച്ച് ചികിത്സയില്‍ കഴിയുകയാണ് നടിയും ഡബ്ബിങ് ആര്‍ട്ടിസ്റ്റുമായ ഭാഗ്യലക്ഷ്മി. സോഷ്യല്‍ മീഡിയയിലൂടെയാണ് നടി ഇക്കാര്യം അറിയിച്ചത്.

ആശുപത്രിയില്‍ നിന്നുള്ള ചിത്രം പങ്കുവെച്ച്, താന്‍ മോശം അവസ്ഥയിലാണെന്നും എല്ലാവരും സുരക്ഷിതരായി ഇരിക്കണമെന്നും ഭാഗ്യലക്ഷ്മി പറഞ്ഞു.

നടി രചന നാരയണന്‍ കുട്ടിയും പനി ബാധിച്ച് ചികിത്സ തേടിയിരുന്നു.