അച്ഛന്‍ കൊണ്ടുവരും അമ്മ നിലനിര്‍ത്തും,അമ്മയില്‍ നിന്നാണ് അത് പഠിച്ചത്,മാധവ് പറയുന്നു

സുരേഷ് ഗോപിയുടെ 'ജെഎസ്‌കെ'എന്ന് പേരിട്ടിരിക്കുന്ന സിനിമയില്‍ മാധവും അഭിനയിക്കുന്നുണ്ട്.മമ്മൂട്ടിയുടെ അനുഗ്രഹം വാങ്ങിയാണ് അഭിനയ ലോകത്തേക്ക് മാധവ് ചുവടുവെക്കുന്നത്.

പ്രവീണ്‍ നാരായണന്‍ സംവിധാനം ചെയ്യുന്ന സിനിമ വൈകാതെ എത്തും. നേരത്തെ ജോഷി സംവിധാനം ചെയ്ത പാപ്പന്‍ എന്ന സിനിമയില്‍ ഗോകുലും സുരേഷ് ഗോപിയും ഒന്നിച്ച് അഭിനയിച്ചിരുന്നു.. മാധവ് നായകനായി എത്തുന്ന കുമ്മാട്ടിക്കളി എന്ന സിനിമ തിയറ്ററുകളില്‍ വൈകാതെ എത്തും. 

ഇപ്പോഴിതാ അമ്മയെ കുറിച്ച് മാധവ് പറഞ്ഞ വാക്കുകളാണ് ശ്രദ്ധ നേടുന്നത്.അമ്മയില്‍ നിന്നും പഠിച്ച കാര്യങ്ങള്‍ എന്ത് എന്ന ചോദ്യത്തിനാണ് നടന്‍ മറുപടി നല്‍കിയത്.

'അച്ഛന്‍ കൊണ്ടുവരും അമ്മ നിലനിര്‍ത്തും. അവരുടെ റിലേഷന്‍ അങ്ങനെയാണ്. ഞാന്‍ ഏറ്റവും കൂടുതല്‍ സമയം സ്‌പെന്റ് ചെയ്തിട്ടുള്ളത് അമ്മയ്ക്ക് ഒപ്പമാണ്. എവിടെ എന്ത് പറയണം എന്ന് പഠിച്ചത് അമ്മയില്‍ നിന്നാണ്. നമ്മുടെ എന്‍ജിയോ വാക്കുകളോ വെറുതെ വേസ്റ്റ് ചെയ്യരുത്. നമുക്ക് വില തരുന്നവരോട് സംസാരിക്കുക. പറയുന്ന കാര്യങ്ങള്‍ വിവേകമുള്ളതാണെന്ന് ഉറപ്പ് വരുത്തുക. പൊട്ടത്തരം പറയരുത്',- മാധവ് പറഞ്ഞു.