മലയാളികളെ പൊട്ടിച്ചിരിപ്പിച്ച നടനും ഹിറ്റ് സംവിധായകനും; വൈറലായി പഴയ ചിത്രം

സിനിമാ താരങ്ങളുടെ പഴയ ചിത്രങ്ങള്‍ സോഷ്യല്‍ മീഡിയയില്‍ വൈറലാകുക പതിവാണ്. അങ്ങനെയൊരു ചിത്രമാണ് ഇപ്പോള്‍ പ്രേക്ഷകര്‍ ഏറ്റെടുത്തിരിക്കുന്നത്. മലയാളികള്‍ക്ക് ഏറ്റവും പ്രിയപ്പെട്ട രണ്ട് താരങ്ങളാണ് ഈ ചിത്രത്തിലുള്ളത്. ഹിറ്റ് സിനിമകളുടെ സംവിധായകനും നിരവധി സിനിമകളില്‍ മികച്ച കഥാപാത്രങ്ങള്‍ അവതരിപ്പിക്കുകയും ചെയ്തിട്ടുള്ള ലാല്‍ ആണ് ഈ ചിത്രത്തിലെ ഒരാള്‍. ലാലിനൊപ്പമുള്ളത് മലയാളികളെ പൊട്ടിച്ചിരിപ്പിച്ച നടന്‍ ഹരിശ്രീ അശോകനും. വര്‍ഷങ്ങള്‍ക്ക് മുന്‍പുള്ള ചിത്രമാണിത്. ഇരുവരും ഒന്നിച്ച് ഒരു സ്‌റ്റേജ് ഷോയില്‍ അരങ്ങുതകര്‍ക്കുകയാണ്. ഹരിശ്രീ അശോകനെ പെട്ടന്ന് മനസിലാക്കാന്‍ കഴിയുമെങ്കിലും ലാലിനെ അങ്ങനെയല്ല.