'വിക്രം വേദ' ഹിന്ദി റീമേക്കില്‍ നിന്ന് ഹൃത്വിക് റോഷന്‍ പുറത്ത്, വേദയാകാന്‍ ഇനി ആര് ?

തമിഴ് ചിത്രം വിക്രം വേദയുടെ ഹിന്ദി റീമേക്ക് ഒരുങ്ങുകയാണ്. ഹൃത്വിക് റോഷനും സെയ്ഫ് അലി ഖാനും കേന്ദ്ര കഥാപാത്രങ്ങളായി എത്തുമെന്ന റിപ്പോര്‍ട്ടുകള്‍ ആയിരുന്നു ആദ്യം പുറത്തുവന്നത്.വേദയുടെ വേഷം ഹൃത്വിക് അവതരിപ്പിക്കാമാന്നാണ് പറയപ്പെട്ടിരുന്നത്. കഥാപാത്രവുമായി ബന്ധപ്പെട്ട ആശയക്കുഴപ്പത്തെത്തുടര്‍ന്ന് ഹൃത്വിക് ചിത്രത്തില്‍ പിന്മാറി എന്ന വിവരം പുറത്തു വരുന്നു.  

വിക്രം വേദയൊരുക്കിയ ഗായത്രി- പുഷ്‌കര്‍ ടീം തന്നെയാണ് ഹിന്ദി റീമേക്കും ഒരുക്കുന്നത്. ആദ്യം അമീര്‍ ഖാന്റെ പേരും ഈ ചിത്രത്തിനുവേണ്ടി ഉയര്‍ന്നുവന്നിരുന്നു. പിന്നീട് അമീര്‍ ഖാന് പകരമായാണ് ഹൃത്വിക് സിനിമയുടെ ഭാഗമായത്. ഇനി പകരക്കാരന്‍ ആരായിരിക്കും എന്ന ആകാംക്ഷയിലാണ് ആരാധകര്‍.

ആര്‍ മാധവന്‍, വിജയ് സേതുപതി എന്നിവര്‍ കേന്ദ്ര കഥാപാത്രങ്ങളായി എത്തി 2017-ലാണ് വിക്രം വേദ പുറത്തിറങ്ങിയത്.