എന്റെ ‘പൊക്കിള്‍’ ഇത്ര വലിയ പ്രശ്‌നമാകുമെന്ന് സ്വപ്നത്തില്‍‌പോലും കരുതിയില്ല !; അമല പോള്‍ പറയുന്നു

എന്റെ പൊക്കിള്‍ ഇത്രയും പ്രശ്‌നമുണ്ടാക്കും എന്ന് ഒരിക്കലും കരുതിയില്ല; അമല പോള്‍ പറയുന്നു

വിവാഹ മോചനം നേടിയ ശേഷമാണ് അമല പോള്‍ അല്പമധികം ഗ്ലാമറസ്സായതെന്ന കാര്യത്തില്‍ ആര്‍ക്കും സംശയമില്ല. എന്നാല്‍ അമലയും ബോബി സിംഹയും പ്രധാന കഥാപാത്രങ്ങളെ അവതരിപ്പിക്കുന്ന തിരുട്ടുപയലേ 2 എന്ന ചിത്രത്തിന്റെ പോസ്റ്റര്‍ റിലീസ് ചെയ്തപ്പോള്‍ ഇത്രയ്ക്ക് പ്രതീക്ഷിച്ചില്ല എന്നായിരുന്നു പൊതുവെ ഉയര്‍ന്ന അഭിപ്രായം. സാരിയില്‍ അല്പമധികം ഗ്ലാമറായിട്ടാണ് അമല പോസ്റ്ററില്‍ എത്തുന്നത്. 

സുസി ഗണേശന്‍ സംവിധാനം ചെയ്ത ചിത്രമായ തിരുട്ടുപയലേ 2 എന്ന കഥ തെരെഞ്ഞെടുക്കാന്‍ രണ്ടാമതൊന്ന് ആലോചിക്കേണ്ടിവന്നില്ല എന്നാണ് അമല പറയുന്നത്. അഭിനേത്രി എന്ന നിലയില്‍ പൂര്‍ണമായും സംതൃപ്തി നല്‍കിയ ചിത്രമാണ് അതെന്നും അവര്‍ പറഞ്ഞു. സത്യത്തില്‍ പോസ്റ്ററില്‍ വന്ന തന്റെ പൊക്കിള്‍ സിനിമയില്‍ ഇത്രയും പ്രശ്‌നങ്ങളുണ്ടാക്കുമെന്ന് കരുതിയില്ലെന്നും താരം പറയുന്നു.

2017ലാണ് നമ്മള്‍ ജീവിക്കുന്നത്. ചില കാര്യങ്ങളില്‍ പലതും തുറന്ന് പറയേണ്ടതും കാണിക്കേണ്ടതുമായി വന്നേക്കും. എന്തുതന്നെയായാലും തന്റെ പൊക്കിള്‍ സെന്‍സേഷണല്‍ ആയതില്‍ വളരെ സന്തോഷമുണ്ടെന്നും അമല പറയുന്നു. ആത്മവിശ്വാസമുള്ള, ബോള്‍ഡ് ആയ ഒരു സ്ത്രീ കഥാപാത്രത്തെയാണ് ചിത്രത്തില്‍ താന്‍ അവതരിപ്പിയ്ക്കുന്നതെന്നും താരം വ്യക്തമാക്കി. 

തന്റെ സഹതാരങ്ങളായ ബോബി സിംഹയില്‍ നിന്നും പ്രസന്നയില്‍ നിന്നുമെല്ലാം നല്ല പിന്തുണയാണ് ലഭിച്ചത്. പരസ്പരം മനസിലാക്കി ഒരേ ചിന്താഗതിയോടെയാണ് തങ്ങള്‍ ഒട്ടുമിക്ക രംഗങ്ങളും പൂര്‍ത്തിയാക്കിയത്. റൊമാന്റിക് രംഗങ്ങള്‍ ചെയ്യാന്‍ ബോബി സിംഹയ്ക്ക് അല്പം മടിയുണ്ടായിരുന്നു. പിന്നെ താന്‍ മുന്‍കൈ എടുത്തു. പ്രണയത്തിന്റെ കാര്യത്തില്‍ യഥാര്‍ത്ഥ ജീവിതത്തിലായാലും ഒരുപാട് പുരോഗമിച്ചിട്ടുണ്ടെന്നും അമല കൂട്ടിച്ചേര്‍ത്തു.