8 വര്‍ഷത്തെ കാത്തിരിപ്പ്,'ജിഗര്‍താണ്ഡ 2' പ്രീ-പ്രൊഡക്ഷന്‍ ജോലികള്‍ക്ക് തുടക്കമായി

2014ല്‍ പുറത്തിറങ്ങിയ കാര്‍ത്തിക് സുബ്ബരാജ് ചിത്രം 'ജിഗര്‍താണ്ഡ'യുടെ രണ്ടാം ഭാഗത്തിനായി കാത്തിരിക്കുകയായിരുന്നു സിനിമ പ്രേമികള്‍. ആക്ഷനും കോമഡിയ്ക്കും പ്രാധാന്യം നല്‍കി ഒരുക്കിയ ചിത്രത്തിന് രണ്ടാം ഭാഗം.ജിഗര്‍താണ്ഡ 2 ന്റെ പ്രീ-പ്രൊഡക്ഷന്‍ ജോലികള്‍ ആരംഭിച്ച വിവരം സംവിധായകന്‍ തന്നെയാണ് പങ്കുവെച്ചത്. 

ഈ വര്‍ഷം ഓഗസ്റ്റ് ഒന്നിന് ജിഗര്‍താണ്ഡ റിലീസായി എട്ടു വര്‍ഷം പിന്നിട്ടിരുന്നു. ഈ ദിവസം സിനിമയുടെ രണ്ടാം ഭാഗത്തിന്റെ തിരക്കഥാ ജോലികള്‍ നടന്നുകൊണ്ടിരിക്കുകയാണെന്ന് കാര്‍ത്തിക് സുബ്ബരാജ് വെളിപ്പെടുത്തിയിരുന്നു.

രണ്ടാം ഭാഗത്തെ താരങ്ങളെയും അണിയറ പ്രവര്‍ത്തകരെയും നിര്‍മ്മാതാക്കള്‍ വെളിപ്പെടുത്തിയിട്ടില്ല.സിദ്ധാര്‍ത്ഥ്, ബോബി സിംഹ, ലക്ഷ്മി മേനോന്‍, കരുണാകരന്‍, ഗുരു സോമസുന്ദരം തുടങ്ങിയ താരങ്ങള്‍ ആദ്യ ഭാഗത്ത് ഉണ്ടായിരുന്നു.