ഗോവിന്ദച്ചാമിയും പൾസർ സുനിയും ഇനി ഉണ്ടാവരുത്!! ഇത് വേറിട്ട ശബ്ദമല്ല...

ഗോവിന്ദച്ചാമിയും പൾസർ സുനിയും ഇനി ഉണ്ടാവരുത്!!

സ്ത്രീകളെ അപമാനിച്ചും പീഡിപ്പിച്ചും ക്രിമിനൽ സ്വഭാവമുള്ളവർ ചെയ്യുന്ന കൊടും ക്രൂരതകളുടെ എണ്ണത്തിന് ഇപ്പോഴും കുറവില്ല. സ്ത്രീപീഡനക്കേസുകളിലെ പ്രതികൾ നിയമത്തിന് മുന്നിലൂടെ സ്വതന്ത്രമായി വിഹരിക്കുന്നതിനെതിരെ ശബ്ദമുയർത്തുന്ന ഹ്രസ്വചിത്രം കൽക്കി ശ്രദ്ധേയമാകുന്നു. 

ഹരീഷ് മോഹന്‍ സംവിധാനം ചെയ്തിരിക്കുന്ന ഈ ചിത്രത്തില്‍ ഇന്ദ്രൻസ് ആണ് പ്രധാനവേഷത്തിലെത്തുന്നത്.

വിനീത് മോഹന്‍, റാബില്‍ രഞ്ജി എന്നിവരാണ് മറ്റു പ്രധാനവേഷത്തിലെത്തുന്നത്. ഗോവിന്ദച്ചാമിയും സൗ‌മ്യയും ആളൂരും എല്ലാം ചിത്രത്തിൽ നിറഞ്ഞു നിൽക്കുന്നു.

രഞ്ജി ബ്രദേഴ്‌സിന്റെ ബാനറില്‍ റാബിന്‍ രഞ്ജിയാണ് നിര്‍മാണം. തിരക്കഥ- ഹരി രാജന്‍, ഹരീഷ് മോഹന്‍, ഛായാഗ്രഹണം-രജി പ്രസാദ്.