കേരളത്തിലെ പ്രളയബാധിതർക്ക് സഹായവുമായി നടി കീർത്തി സുരേഷ്. മുഖ്യമന്ത്രിയുടെ ദുരിതാശ്വാസ നിധിയിലേക്ക് പത്ത് ലക്ഷവും ദുരിതാശ്വാസ ക്യാംപുകളിലേക്ക് വേണ്ട അവശ്യ സാധനങ്ങൾ വാങ്ങുന്നതിനായി അഞ്ച് ലക്ഷവുമാണ് താരം നൽകിയത്.
തിരുവനന്തപുരത്ത് ദുരിതമനുഭവിക്കുന്നവർക്കിടയിൽ എല്ലാ സഹായവുമായി കീർത്തി ഒപ്പമുണ്ടായിരുന്നു. ക്യാംപ് സന്ദര്‍ശിച്ച ശേഷം അവിടേക്ക് വേണ്ട അവശ്യ സാധനങ്ങള്‍ എന്തൊക്കെയാണെന്നും അത് എത്രയും പെട്ടെന്ന് എത്തിക്കാനാവുമോയെന്നും താരം ഫേസ്ബുക്ക് ലൈവിലൂടെ ചോദിക്കുന്നുണ്ട്.
സിനിമാ മേഖലകളിലെ ആളുകളും പ്രവർത്തനങ്ങൾക്ക് നേരിട്ട് ഇറങ്ങുന്നത് എല്ലാ കാര്യങ്ങളും മറ്റുള്ളവരിലേക്ക് എത്തുന്നതിനും സഹായകരമാകുന്നുണ്ട്. സിനിമാ മേഖലകളിൽ നിന്നുള്ള പ്രമുഖർ ഉൾപ്പെടെ നിരവധിപേരാണ് ഇപ്പോൾ സഹായം വാഗ്ദാനം ചെയ്‌ത് രംഗത്തെത്തിയിരിക്കുന്നത്.