'മാസ്റ്റര്‍' മാജിക് ആവര്‍ത്തിക്കാന്‍ ലോകേഷ് കനകരാജ്,'ലിയോ'പുതിയ വിവരങ്ങള്‍ അറിഞ്ഞോ?
ശനി, 13 മെയ് 2023 (16:30 IST)
ലോകേഷ് കനകരാജ് വിജയ്ക്കൊപ്പം വീണ്ടും ഒന്നിക്കുന്ന ചിത്രമാണ് 'ലിയോ'.
'മാസ്റ്റര്‍' ടീം വീണ്ടും ഒന്നിക്കുമ്പോള്‍ പ്രതീക്ഷകള്‍ വലുതാണ്. 'ലിയോ'യുടെ ഷൂട്ടിംഗ് പുരോഗമിക്കുകയാണ്. പുതിയ ഷെഡ്യൂള്‍ ചെന്നൈയില്‍ പുരോഗമിക്കുന്നു.
'ലിയോ'യിലൂടെ ലോകേഷ് കനകരാജ് 'മാസ്റ്റര്‍' മാജിക് ആവര്‍ത്തിക്കുമെന്നതാണ് ഏറ്റവും പുതിയ വാര്‍ത്ത. 'മാസ്റ്റര്‍' എന്ന ചിത്രത്തിലൂടെയാണ് ലോകേഷ് കനകരാജ് ആദ്യമായി ഫിലിം ക്യാമറയ്ക്ക് മുന്നില്‍ പ്രത്യക്ഷപ്പെട്ടത്. സിനിമയുടെ ക്ലൈമാക്സില്‍ ഒരു ചെറിയ ഭാഗത്തില്‍ സംവിധായകനെയും കണ്ടു.'ലിയോ'യില്‍ ഒരു സ്‌പെഷ്യല്‍ കഥാപാത്രത്തെ ലോകേഷ് അവതരിപ്പിക്കും എന്നതാണ് പുതിയ വിവരം.
അതേസമയം, ഗോകുല്‍ സംവിധാനം ചെയ്ത ആര്‍ജെ ബാലാജി നായകനായ 'സിംഗപ്പൂര്‍ സലൂണ്‍' എന്ന ചിത്രത്തിലും ലോകേഷ് കനകരാജ് ഒരു അതിഥി വേഷത്തില്‍ എത്തുന്നുണ്ട്, അടുത്തിടെ അദ്ദേഹം ചിത്രത്തിലെ തന്റെ ഭാഗത്തിന്റെ ചിത്രീകരണം പൂര്‍ത്തിയാക്കി.
ലിയോ' തമിഴ്, തെലുങ്ക്, കന്നഡ, ഹിന്ദി ഭാഷകളില്‍ റിലീസ് ചെയ്യും, ചിത്രം 19.10.2023 ന് തിയേറ്ററുകളില്‍ റിലീസ് എത്തും.