ഷോട്ട് കഴിഞ്ഞാൽ ദുൽഖർ കാരവാനിൽ പോയിരിക്കും, ഞങ്ങളുടെ ഒപ്പം കൂടില്ലായിരുന്നുവെന്ന് മുകേഷ്

മമ്മൂട്ടി ഇടപെട്ടു, ദുൽഖർ ഓകെ ആയി!

സത്യൻ അന്തിക്കാട് സംവിധാനം ചെയ്യുന്ന ജോമോന്റെ സുവിശേഷം എന്ന സിനിമയുടെ ലൊക്കേഷനിലാണ് സംഭവം. സിനിമയിൽ വന്നിട്ട് നാല് കൊല്ലമായെങ്കിലും മുതിർന്ന ടീമിനൊപ്പം ദുൽഖർ ഇതാദ്യമായാണ് അഭിനയിക്കുന്നത്. ദുൽഖറുമായുള്ള അടുപ്പം പങ്കുവെയ്ക്കുകയാണ് നടൻ മുകേഷ്. 

മമ്മൂക്കയുമായുള്ള ഞങ്ങളുടെ ബന്ധം കൊണ്ടാകാം, പടത്തിന്റെ ഷൂട്ടിങ്ങ് തുടങ്ങി ആദ്യത്തെ രണ്ട് മൂന്നുദിവസം ദുല്‍ഖര്‍ നമ്മുടെ അടുത്തേക്ക് വന്നില്ല. ദുല്‍ഖര്‍ സല്‍മാന്റെ അച്ഛനായിട്ടാണ് ഞാന്‍ അഭിനയിക്കുന്നത്. ഇന്നസെന്റ് ചേട്ടനും ഞാനും ഒരുമിച്ചിരിക്കുന്ന ഭാഗത്തേക്ക് ദുല്‍ഖര്‍ വരില്ല. ഷോട്ട് കഴിഞ്ഞാലുടനെ കാരവനിലേക്കുപോകും. - മുകേഷ് പറയുന്നു.

തൃശ്ശൂരിൽ തന്നെ മമ്മൂക്കയുടെ മറ്റൊരു പടത്തിന്റെയും ഷൂട്ടിങ്ങ് നടക്കുന്നുണ്ട്. ദുൽഖർ ഇടയ്ക്ക് മമ്മൂക്കയെ കാണാൻ പോകും, അവിടെ ചെന്നപ്പോൾ ഷൂട്ടിങ്ങ് വിശേഷങ്ങ‌ൾ മമ്മൂക്ക ചോദിച്ച് കാണും. ഇപ്പോൾ ദുൽഖർ നമ്മോട് കൂടെ ചേരും. വന്നിരിക്കുകയും തമാശ പറയുകയും പൊട്ടിച്ചിരിക്കുകയും ചെയ്യുന്നുണ്ടെന്ന് മുകേഷ് പറയുന്നു.