"ഒടുവിൽ കാൽക്കൽ വീണല്ലേ..എന്തിനായിരുന്നു പാറു വെറുതെ ഇത്ര ഷോ ഓഫ്"

കടിച്ച പാമ്പിനെക്കൊണ്ട് തന്നെ വിഷം ഇറപ്പിക്കുക; ഗതികേട് എന്നൊക്കെ പറഞ്ഞാൽ ഇതാണ്

നടി പാർവതിക്കെതിരെ മമ്മൂട്ടി ആരാധകരുടെ ട്രോൾ മഴ. കഴിഞ്ഞ ദിവസത്തെ ഏഷ്യാനെറ്റ് ഫിലിം അവാർഡ് ചടങ്ങാണ് ട്രോളുകൾക്കാധാരം. ഇതിന് മുമ്പും മമ്മൂട്ടി ആരാധകർ പാർവതിക്കെതിരെ രംഗത്തെത്തിയിരുന്നു.

ഏഷ്യാനെറ്റ് ഫിലിം അവാർഡ് ചടങ്ങിൽ പാർവതിക്ക് പുരസ്‌ക്കാരം നൽകിയത് മമ്മൂട്ടിയായിരുന്നു. വേദിയിലേക്കെത്തിയ പാർവതിയെ പ്രേക്ഷകർ കൂവിവിളിച്ചാണ് വരവേറ്റത്. എന്നാൽ അവരോടൊക്കെ നിശബ്‌ദരാകാൻ മമ്മൂട്ടി ആവശ്യപ്പെടുകയായിരുന്നു. വേദിയിലെത്തിയ പാർവതി മമ്മൂട്ടിയുടെ കാൽതൊട്ട് വന്ദിച്ചാണ് അവാർഡ് കൈപ്പറ്റിയത്. ശേഷം മമ്മൂട്ടി പാർവതിയെ ചേർത്തുനിർത്തി അഭിനന്ദിച്ചു.

കസബ വിവാദത്തിൽ നടി പാർവതിക്ക് മമ്മൂട്ടി ആരാധകരിൽ നിന്ന് വലിയ വിമർശനങ്ങളായിരുന്നു നേരിടേണ്ടി വന്നത്. തനിക്ക് വേണ്ടി പ്രതികരിക്കാൻ ആരെയും ചുമതലപ്പെടുത്തിയില്ലെന്നും തന്റെ അറിവോടെയല്ല ഇതൊന്നും നടക്കുന്നതെന്നും മമ്മൂട്ടി പറഞ്ഞതിന് ശേഷമാണ് വിമർശനങ്ങൾക്ക് ചെറിയ തോതിൽ ശമനമുണ്ടായത്.