'ഗാന്ധിനഗര്‍ സെക്കന്റ് സ്ട്രീറ്റ്' മുതല്‍ 'നരസിംഹം' വരെ; മോഹൻലാൽ ചിത്രത്തിലെ രാശിയുള്ള അതിഥി

മോഹൻലാൽ ചിത്രങ്ങളിലെ രാശിയുള്ള അതിഥിയായെത്തുന്നത് എന്നും മമ്മൂക്ക തന്നെയാണ്. കഴിഞ്ഞ നാല് പതിറ്റാണ്ടോളമായി മലയാള സിനിമ അടക്കി വാഴുന്ന മെഗാസ്‌റ്റാറും സൂപ്പർസ്‌റ്റാറും. ഇപ്പോൾ ഇതാ ഒടിയനിലൂടെ മമ്മൂക്കയുടെ ശബ്‌ദം മോഹൻലാലിന് കൂട്ടായെത്തുകയാണ്.

പല കാലങ്ങളിലായി 25 ലേറെ ചിത്രങ്ങളിലാണ് ഇരുവരും ഒന്നിച്ചഭിനയിച്ചിട്ടുണ്ട്. ആ ചിത്രങ്ങളെല്ലാം സൂപ്പർഹിറ്റും ആയിട്ടുണ്ട്.  'ഗാന്ധിനഗര്‍ സെക്കന്റ് സ്ട്രീറ്റ്' മുതല്‍ 'നരസിംഹം' വരെ നീളുന്ന ചിത്രങ്ങളെല്ലാം അതിന് ഉദാഹരണമാണ്. ഈ ചിത്രങ്ങളിലെല്ലാം പ്രേക്ഷകർ പ്രതീക്ഷിക്കാത്തിടത്ത് മോഹൻലാലിന്റെ പ്രതിസന്ധി സമയങ്ങളിലാണ് പലപ്പോഴും മമ്മൂട്ടി പ്രത്യക്ഷപ്പെട്ടതും.

ഇരുവരുടേയും ഫാൻസുകാർ തമ്മിൽ പ്രശ്‌നമുണ്ടെങ്കിലും മോഹൻലാലും മമ്മൂട്ടിയും എന്നും നല്ല സുഹൃത്തുക്കളാണ്. എന്നാൽ ഇരുവരും ഒരുമിച്ചെത്തുന്ന ചിത്രം കാണാനും പ്രോത്സാഹിപ്പിക്കാനും ഈ ആരാധകർക്ക് ഒരു മടിയുമില്ല എന്നതുതന്നെയാണ് ഓരോ ചിത്രത്തിന്റേയും വിജയം.