‘മരണ വാർത്ത അറിഞ്ഞ് ആര് വന്നില്ലെങ്കിലും ഒരാൾ മാത്രം വരും, മമ്മൂക്ക‘; ആദിത്യന്റെ കുറിപ്പ് വൈറൽ

അസുഖബാധിതനായ സമയത്ത് പോലും നടൻ സത്താറിനെ തിരിഞ്ഞ് നോക്കാത്തവർ അദ്ദേഹത്തിന്റെ മരണശേഷം അനുശോചിച്ച് പോസ്റ്റിടുന്നതിൽ വിമർശിച്ച് നടൻ ആദിത്യൻ. ജീവിച്ചിരിക്കുമ്പോൾ സ്നേഹിക്കാതെ പിന്നെ പോസ്റ്റിടുന്നത് അദ്ദേഹത്തിന്റെ ചെകിട്ടത്ത് അടിക്കുന്നതിനു തുല്യമാണെന്ന് ആദിത്യൻ കുറിച്ചു.

മരണത്തിനു മുന്നേ അദ്ദേഹത്തെ ഓർക്കാത്തവർ ഇന്ന് കരയുമ്പോൾ അദ്ദേഹത്തിന്റെ ആത്മാവിനു പോലും നാണക്കേട് തോന്നിക്കാണുമെന്ന് ആദിത്യൻ കുറിക്കുന്നു. എന്നാൽ ആർക്ക് എന്ത് സംഭവിച്ചാലും അവിടേക്ക് ഓടിയെത്തുന്ന സഹായിക്കുന്ന വ്യക്തിയാണ് മമ്മൂട്ടിയെന്നും അദ്ദേഹം വരുമെന്ന് ഉറപ്പാണെന്നും ആദിത്യൻ കുറിച്ചു. സത്താറിനു അനുശോചനം അറിയിച്ച് മമ്മൂട്ടി എത്തിയിരുന്നു. ആദിത്യന്റെ പോസ്റ്റിന്റെ പൂർണരൂപം:

ജീവിച്ചു ഇരുന്നപ്പോൾ തിരിഞ്ഞു നോക്കാത്തവർ ഇന്ന് സങ്കടം കാണിക്കുന്നു. കഷ്ടം. ഈ നടൻ എവിടെ എന്നുപോലും മരണവാർത്ത അറിയുന്നതിന് തൊട്ടു മുന്നേ പോലും ഓർകാത്തവർ ഇന്ന് കണ്ണു നനയ്ക്കുന്നു. ആത്മാവിനെ പോലും നാണക്കേട് തോന്നിക്കാണും. എന്തു ഉണ്ടായാലും ഒരാൾ മാത്രം വരും, മമ്മൂക്ക! ഒരാൾ ജീവിച്ചിരിക്കുമ്പോൾ സ്നേഹിക്കു സഹായിക്കു എന്നിട്ട് പോസ്റ്റ്‌ ഇടൂ. അല്ലാതെ മരിച്ചിട്ടു വരുന്ന പോസ്റ്റ്‌ ആ മരിച്ചു പോയ മനുഷ്യനുള്ള ചെകുടതടിയ. ചിലർക്ക് സാധിക്കും. ചില സഹായം അതു ചെയ് ആദ്യം. അല്ലാതെ ജീവിച്ചു ഇരിക്കുമ്പോൾ കുറെ കുറ്റം കണ്ടുപിടിച്ചു ഉപദ്രവിച്ചിട്ടു. ഇതുപോലും ഉണ്ടാകില്ലാ എന്റെ കാര്യത്തിൽ.