എ സര്‍ട്ടിഫിക്കറ്റ് നേടിയ മഞ്ജു വാര്യര്‍-സൈജു ശ്രീധര്‍ ചിത്രം ഫൂട്ടേജ് തീയേറ്ററുകളിലെത്തുന്നു

എ സര്‍ട്ടിഫിക്കറ്റ് നേടിയ മഞ്ജു വാര്യര്‍-സൈജു ശ്രീധര്‍ ചിത്രം ഫൂട്ടേജ് തീയേറ്ററുകളിലെത്തുന്നു. എഡിറ്റര്‍ ഷൈജു ശ്രീധര്‍ ആദ്യമായി സംവിധാനം ചെയ്യുന്നുവെന്ന പ്രത്യേകതയും ചിത്രത്തിനുണ്ട്. അനുരാഗ് കശ്യപാണ് ചിത്രം അവതരിപ്പിക്കുന്നത്. ചിത്രത്തിന് സെന്‍സര്‍ ബോര്‍ഡ് എ സര്‍ട്ടിഫിക്കറ്റാണ് നല്‍കിയത്. അതിനാല്‍ തന്നെ വയലന്‍സ് രംഗങ്ങളും മറ്റും ചിത്രത്തില്‍ ഉണ്ടാവുമെന്നാണ് കരുതുന്നത്. മഞ്ജു വാര്യരെ കൂടാതെ വിശാഖ് നായര്‍, ഗായത്രി അശോക് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. 

ചിത്രത്തിന്റെ ട്രെയിലര്‍ നേരത്തെ തന്നെ ശ്രദ്ധേയമായിരുന്നു. ചിത്രം നിര്‍മ്മിക്കുന്നത് മാര്‍ട്ടിന്‍ പ്രക്കാട്ടാണ്. മായാനദി, മഹേഷിന്റെ പ്രതികാരം, കുമ്പളങ്ങി നൈറ്റ്‌സ്, ഹലാല്‍ ലവ് സ്റ്റോറി, മറഡോണ, നാരദന്‍, നീല വെളിച്ചം, അഞ്ചാം പാതിര തുടങ്ങിയ ചിത്രങ്ങളുടെ എഡിറ്ററായിരുന്നു സൈജു ശ്രീധര്‍.