കമലിന്റെ 'ആമി'യാകാൻ മഞ്ജു! ചിത്രീകരണം മാർച്ചിൽ

ഒടുവിൽ കമൽ ഉറപ്പിച്ചു, മഞ്ജു തന്നെ 'ആമി'!

കമല്‍ സംവിധാനം ചെയ്യുന്ന ‘ആമി’ എന്ന ചിത്രത്തില്‍ നിന്ന് വിദ്യാബാലന്‍ അവസാന നിമിഷം പിന്‍‌മാറിയത് വലിയ ചര്‍ച്ചയായിരുന്നു. വിദ്യയ്ക്ക് പകരം പല നടിമാരുടെയും പേരുക‌ൾ ഉയർന്ന് വന്നെങ്കിലും ഒടുവിൽ ആമി ആരാണെന്ന കാര്യത്തിൽ തീരുമാനമായി. മലയാളികളുടെ സ്വന്തം മഞ്ജു വാര്യരായിരിക്കും കമലിന്റെ 'ആമി'.

കമലാ സുരയ്യയുടെ ജീവിതം ആധാരമാക്കി കമല്‍ സംവിധാനം ചെയ്യാനിരുന്ന 'ആമി'യില്‍ നിന്നുള്ള വിദ്യാ ബാലന്റെ പിന്‍മാറ്റം വലിയ രാഷ്ട്രീയ ചര്‍ച്ചകള്‍ക്ക് വഴിയൊരുക്കിയിരുന്നു. ഷൂട്ടിന് തൊട്ടു മുമ്പാണ് വിദ്യ പിന്മാറിയത്. 

കൃഷ്ണഗുഡിയില്‍ ഒരു പ്രണയകാലത്ത് എന്ന ചിത്രത്തിന് ശേഷം മഞ്ജു വാര്യര്‍ നായികയാകുന്ന കമല്‍ ചിത്രം കൂടിയാണ് ആമി. ഈ പുഴയും കടന്ന് എന്ന സിനിമയിലും കമലിന്റെ സംവിധാനത്തില്‍ മഞ്ജു അഭിനയിച്ചിരുന്നു. പൃഥ്വിരാജ്, മുരളി ഗോപി, അനൂപ് മേനോന്‍ എന്നിവരും ചിത്രത്തിലുണ്ട്. ബോളിവുഡ് ഗാനരചിതാവ് ജാവേദ് അക്തറാണ് സിനിമയ്ക്ക് വേണ്ടി ഗാനരചന നിര്‍വഹിക്കുന്നത്.