'ദളപതി 65' ഒരുങ്ങുകയാണ്. അഭിനേതാക്കളെയും അണിയറ പ്രവര്‍ത്തകരെയും കണ്ടെത്തുന്നതിനായുള്ള ശ്രമത്തിലാണ് ടീം. പ്രീ പ്രൊഡക്ഷന്‍ ജോലികള്‍ അവസാനഘട്ടത്തിലാണ്. നെല്‍സണ്‍ ദിലീപ് കുമാര്‍ സംവിധാനം ചെയ്യുന്ന ചിത്രം സണ്‍ പിക്‌ചേഴ്‌സ് പിക്‌ചേഴ്‌സാണ് നിര്‍മ്മിക്കുന്നത്. പ്രശസ്ത ഛായാഗ്രഹകന്‍ മനോജ് പരമഹംസ 'ദളപതി 65'യ്ക്ക് ക്യാമറ ചലിപ്പിക്കും. അദ്ദേഹം ഈ സിനിമയില്‍ ഉണ്ടാകുമെന്ന് സ്ഥിരീകരിച്ചു. പ്രഭാസിന്റെ രാധേ ശ്യാം, ചിമ്പുവിന്റെ 'വിണ്ണൈതാണ്ടി വരുവായ' തുടങ്ങി നിരവധി ചിത്രങ്ങളില്‍ അദ്ദേഹം ഛായാഗ്രഹണം നിര്‍വഹിച്ചിട്ടുണ്ട്. വിജയിനൊപ്പം മുമ്പ് നന്‍പന്‍ എന്ന സിനിമയ്ക്കും മനോജ് ക്യാമറ ചലിപ്പിച്ചു.
ചിത്രീകരണം ഏപ്രിലില്‍ ആരംഭിക്കാനാണ് സാധ്യത.നവംബറില്‍ ദീപാവലി റിലീസ് ചെയ്യുവാനാണ് നിര്‍മ്മാതാക്കള്‍ പദ്ധതിയിടുന്നത്. അതേസമയം സംവിധായകന്‍ നെല്‍സണ്‍ ദിലീപ് കുമാറിന്റെ 'ഡോക്ടര്‍'റിലീസിനൊരുങ്ങുകയാണ്. ഈ ചിത്രത്തിന് സംഗീതം നല്‍കിയ അനിരുദ്ധിനെ 'ദളപതി 65' എന്ന ചിത്രത്തിലും നിലനിര്‍ത്തിയിട്ടുണ്ട്.