മീ ടൂ ക്യാംപെയ്നുകൾ ഇന്ത്യൻ സിനിമയിൽ ശക്തതമായ ചലനം സൃഷ്ടിച്ച് മുന്നോറുകയാണ്. ഹോളിവുഡിൽ തുടങ്ങി ബോളിവുഡിലും ഇങ്ങ് മോളിവുഡ് വരേയും മീ ടൂ കൊടുങ്കാറ്റായി. ഇപ്പോഴിതാ, കന്നട താരം സഞ്ജന ഗിൽറാണിയും മീടൂവെളിപ്പെടുത്തലുമായി രംഗത്തെത്തിയിരിക്കുകയാണ്. മലയാളികളുടെ പ്രിയ നായികയായ നിക്കി ഗൽ‌റാണിയുടെ സഹോദരിയാണ് സഞ്ജന.
കന്നഡ സംവിധായകൻ രവി ശ്രീവാസ്തവയ്ക്കെതിരെയാണ് സഞ്ജന ഗിൽറാണിയാണ് ആരോപണവുമായി രംഗത്തെത്തിയത്. സംഭവം നടക്കുന്നത് 2006 ലാണ്. ബോളിവുഡ് ചിത്രമായ മ‌ർഡറിന്റെ റീമേക്കായ ഗെണ്ഡ ഹെണ്ഡത്തിയിൽ അഭിനയിക്കുമ്പോഴാണ് രവി തന്നോട് മോശമായി പെരുമാറിയതെന്ന് സഞ്ജന ഗിൽ‌റാണി ആരോപിക്കുന്നത്.
തനിയ്ക്ക് അന്ന് 15 വയസ്സ് മാത്രമായിരുന്നു പ്രായം. സെറ്റിലേക്ക് അമ്മയെ കൊണ്ടുവരരുതെന്നായിരുന്നു അവർ പറഞ്ഞത്. എന്നിട്ടും അമ്മ കൂടെ വന്നു. എന്നാൽ, ചിത്രീകരണം കാണാൻ സമ്മതിച്ചില്ല. കരാറിൽ ഒരോയൊരു ചുംബന രംഗം മാത്രമായിരുന്നു താൻ സമ്മതിച്ചിരുന്നത്. എന്നാൽ ഓരോ ദിവസം കഴിയുന്തോറും കിസ്സിങ് രംഗത്തിന്റെ എണ്ണം കൂടിക്കൂടി വന്നു.
കൂടാതെ ക്യാമറ തന്റെ നെഞ്ചത്തും കാലുകളിലും വൾഗറായ രീതിയിൽ ഫോക്കസ് ചെയ്യാനും ഷൂട്ടു ചെയ്യാനും തുടങ്ങി. അത് താൻ എതിർപ്പോൾ തന്റെ കരിയർ തന്നെ നശിപ്പിക്കുമെന്ന് പറഞ്ഞ് ഭീഷണിപ്പെടുത്തി. അവരെന്നെ ചൂഷണം ചെയ്തുവെന്നും സഞ്ജന പറയുന്നു.