സംഗീത സംവിധായകന്‍ എസ് ബാലകൃഷ്‌ണന്‍ (69) അന്തരിച്ചു. ഇന്ന് രാവിലെ 11 മണിക്ക് ചെന്നൈ നീലാങ്കരയിലെ വീട്ടിൽ വച്ചായിരുന്നു അന്ത്യം. സംസ്‌കാരം ഇന്ന് നടക്കും.
14 ചിത്രങ്ങൾക്ക് മാത്രമേ എസ് ബാലകൃഷ്‌ണന്‍ സംഗീതം നൽകിയുള്ളുവെങ്കിലും അവയെല്ലാം സൂപ്പര്‍ ഹിറ്റുകളായിരുന്നു. ഇന്‍ ഹരിഹര്‍ നഗര്‍, ഗോഡ്ഫാദര്‍, റാംജി റാവു സ്പീക്കിങ്, കിലുക്കാംപെട്ടി, വിയറ്റ്‌നാം കോളനി, മഴവില്‍ കൂടാരം, തുടങ്ങിയ മലയാള സിനിമകള്‍ക്കു സംഗീതം നല്‍കിയിട്ടുണ്ട്.
സിദ്ധിഖ് - ലാൽ കൂട്ടുകെട്ടിലൊരുങ്ങിയ മിക്ക ചിത്രങ്ങളിലും എസ് ബാലകൃഷ്ണനായിരുന്നു സംഗീതസംവിധായകൻ. 80ലേറെ മലയാള ചലചിത്രഗാനങ്ങള്‍ ബാലകൃഷ്‌ണന്റേതായിട്ടുണ്ട്.