നവ്യയുടെ പുതിയ വാഹനം കണ്ടോ? വില കേട്ടാല്‍ ഞെട്ടും !

വിവാഹ ശേഷം സിനിമയില്‍ നിന്ന് ഇടവേളയെടുത്ത നവ്യ 'ഒരുത്തീ' എന്ന സിനിമയിലൂടെയാണ് തിരിച്ചുവരവ് നടത്തിയത്

Navya Nair

പുതിയ വാഹനം സ്വന്തമാക്കി നടി നവ്യ നായര്‍. ഇന്‍സ്റ്റഗ്രാമിലൂടെയാണ് താരം ഈ സന്തോഷ വാര്‍ത്ത അറിയിച്ചത്. മെഴ്‌സിഡസ് ബെന്‍സിന്റെ ദി X7 ആണ് നവ്യയുടെ പുതിയ വാഹനം. കാര്‍ബണ്‍ ബ്ലാക്ക് നിറത്തിലുള്ള കിടിലന്‍ വാഹനമാണ് നവ്യ സ്വന്തമാക്കിയിരിക്കുന്നത്. 

' ദൈവത്തിനോട് കടപ്പെട്ടിരിക്കുന്നു ' എന്ന ക്യാപ്ഷനോടെയാണ് പുതിയ വാഹനം ഷോറൂമില്‍ നിന്ന് വാങ്ങുന്നതിന്റെ ചിത്രങ്ങള്‍ നവ്യ പങ്കുവെച്ചിരിക്കുന്നത്. ഏകദേശം ഒരു കോടി 30 ലക്ഷം രൂപയാണ് ഈ വാഹനത്തിന്റെ വില. മകനും അച്ഛനും ഒപ്പമാണ് നവ്യ ഷോറൂമില്‍ എത്തിയത്. കാറിനു യോജിക്കുന്ന തരത്തില്‍ ബ്ലാക്ക് വസ്ത്രം തന്നെയാണ് താരം ധരിച്ചിരുന്നത്. 

View this post on Instagram

A post shared by Navya Nair (@navyanair143)

വിവാഹ ശേഷം സിനിമയില്‍ നിന്ന് ഇടവേളയെടുത്ത നവ്യ 'ഒരുത്തീ' എന്ന സിനിമയിലൂടെയാണ് തിരിച്ചുവരവ് നടത്തിയത്. സിനിമാ രംഗത്തും സ്‌റ്റേജ് ഷോ വിധികര്‍ത്താവായും താരം ഇപ്പോള്‍ സജീവമാണ്. സോഷ്യല്‍ മീഡിയയില്‍ സജീവസാന്നിധ്യമായ താരം തന്റെ വിശേഷങ്ങളെല്ലാം ആരാധകരുമായി പങ്കുവെയ്ക്കാറുണ്ട്.