ഒടിടികളില്‍ നിന്ന് ഓഫറുകള്‍ വരുന്നുണ്ട്, റിലീസിന് മുമ്പ് ഡിമാന്‍ഡ് ഉണ്ടായിരുന്നില്ലെന്ന് സംവിധായകന്‍ ചിദംബരം

ഹിന്ദിയും തെലുങ്കും ഡബ് വേര്‍ഷന്‍ വരാന്‍ പോകുന്നു.

മഞ്ഞുമ്മല്‍ ബോയ്‌സ് പ്രദര്‍ശനം തുടരുകയാണ്.ഇപ്പോള്‍ ലഭിച്ച കളക്ഷന്‍ ഒറിജിനല്‍ മലയാളം പതിപ്പില്‍ നിന്നും കിട്ടിയതാണ്.ഹിന്ദിയും തെലുങ്കും ഡബ് വേര്‍ഷന്‍ വരാന്‍ പോകുന്നു.

ഒടിടി റിലീസ് ഉടനെ ഉണ്ടാകില്ല എന്നാണ് സംവിധായകന്‍ ചിദംബരം പറഞ്ഞു.

'തിയറ്ററില്‍ സിനിമ ഇപ്പോഴും പ്രദര്‍ശിപ്പിക്കുന്നതുകൊണ്ട്, പെട്ടെന്നൊരു ഒടിടി റിലീസ് ഉണ്ടാകില്ല. പ്രൊഡക്ഷന്‍ ഹൗസ് ഒടിടികളെ സമീപിക്കുന്നത് സ്വാഭാവിക പ്രക്രിയ മാത്രമാണ്. റിലീസിനു മുന്‍പ് വലിയ ഡിമാന്‍ഡ് ഉണ്ടായിരുന്നില്ല. ഇപ്പോള്‍ സിനിമയുടെ ജനസ്വീകാര്യത കണ്ട് ഒടിടികളില്‍ നിന്ന് ഓഫറുകള്‍ വരുന്നുണ്ട്. ഒന്നും ഉറപ്പിച്ചിട്ടില്ല. അതു സംബന്ധിച്ചുള്ള പ്രഖ്യാപനം വൈകാതെ ഉണ്ടാകും. ഏപ്രില്‍ മാസം കൂടി സിനിമ തിയറ്ററില്‍ കളിക്കണം എന്നാണ് എന്റെ ആഗ്രഹം. പക്ഷേ, എല്ലാം എന്റെ മാത്രം തീരുമാനങ്ങള്‍ അല്ലല്ലോ.',-ചിദംബരം മനോരമയ്ക്ക് നല്‍കിയ അഭിമുഖത്തിനിടെ പറഞ്ഞു.

ഫെബ്രുവരി 22നാണ് മഞ്ഞുമ്മല്‍ ബോയ്‌സ് റിലീസ് ചെയ്തത്. ആദ്യദിനം മുതല്‍ക്കേ മികച്ച പ്രതികരണങ്ങള്‍ ചിത്രത്തിന് ലഭിച്ചു.