രാജസേനന്‍ സംവിധാനം ചെയ്ത് ജയറാം കേന്ദ്ര കഥാപാത്രത്തെ അവതരിപ്പിച്ച സിനിമയാണ് ആദ്യത്തെ കണ്‍മണി. 1995 ല്‍ പുറത്തിറങ്ങിയ സിനിമ ഒരു മുഴുനീള ഹാസ്യചിത്രമായിരുന്നു. ജയറാമിന്റെ നായികാവേഷത്തിലെത്തിയത് സുധാറാണിയാണ്. അടിമുടി മലയാളി ലുക്കിലാണ് ഈ ചിത്രത്തില്‍ സുധാറാണി പ്രത്യക്ഷപ്പെട്ടത്. ബിജു മേനോന്‍, ജഗതി, കെപിഎസി ലളിത, മണിയന്‍പിള്ള രാജു, ജനാര്‍ദ്ദനന്‍ തുടങ്ങി വലിയൊരു താരനിര ഈ സിനിമയില്‍ അഭിനയിച്ചിട്ടുണ്ട്.
സുധാറാണിയുടെ ഇപ്പോഴത്തെ ചിത്രങ്ങളാണ് സോഷ്യല്‍ മീഡിയയില്‍ വൈറലായിരിക്കുന്നത്. ആദ്യത്തെ കണ്‍മണിയിലെ അംബികയില്‍ നിന്ന് വലിയ മാറ്റമുണ്ട് സുധാറാണിക്ക്. സോഷ്യല്‍മീഡിയയിലും താരം സജീവസാന്നിധ്യമാണ്.