തനിക്ക് തിയേറ്ററുകളിൽ നിന്നും ഏറ്റവും അധികം കൈയ്യടി ലഭിക്കുന്ന ചിത്രമായിരുന്നു 'കാളിയൻ' എന്ന് പൃഥ്വിരാജ്. കാളിയന്റെ ആദ്യ മോഷന്‍ പോസ്റ്റര്‍ പുറത്തുവിട്ട് മാധ്യമപ്രവർത്തകരോട് പ്രസ് മീറ്റിൽ സംസാരിക്കുകയായിരുന്നു അദ്ദേഹം.
മലയാള സിനിമയുടെ ചരിത്രത്തിലെ ഏറ്റവും പണച്ചിലവേറിയ പ്രൊജക്ടുകളിലൊന്നായിരിക്കും ഇത്. നവാഗതനായ എസ് മഹേഷാണ് ചിത്രം സംവിധാനം ചെയ്യുന്നത്. ബോളിവുഡ് സംഗീത രംഗത്തെ അതികായരായ ശങ്കര്‍ എഹ്‌സാന്‍ ലോയ് ആദ്യമായി സംഗീതം നല്‍കുന്ന മലയാള ചിത്രമായിരിക്കും കാളിയന്‍. ബി ടി അനില്‍കുമാറാണ് തിരക്കഥ രചിക്കുന്നത്.
ചിത്രത്തിന്‍റെ ആദ്യലുക്കും യൂട്യൂബ് വീഡിയോയും പൃഥ്വിരാജ് സോഷ്യല്‍ മീഡിയയിലൂടെ പങ്കുവച്ചു. ഏറെ ശാരീരികാധ്വാനം വേണ്ടിവരുന്ന ഒരു പ്രൊജക്ടായിരിക്കും കാളിയന്‍. ഈ കഥാപാത്രത്തിനായി പൃഥ്വിരാജ് വീണ്ടും സിക്സ് പാക് ശരീരം സൃഷ്ടിക്കും.
കുഞ്ചിറക്കോട്ട് കാളി അഥവാ കാളിയന്‍ എന്ന കഥാപാത്രത്തിന്‍റെ പോരാട്ടത്തിന്‍റെ കഥയാണ് കാളിയന്‍ പറയുന്നത്. സുജിത് വാസുദേവാണ് ചിത്രത്തിന് ക്യാമറ ചലിപ്പിക്കുന്നത്.