ദുൽഖർ കഴിഞ്ഞു, അടുത്തത് നിവിൻ പോളി, നായിക നിമിഷ സജയൻ!

കൊച്ചിയുടെ ചരിത്രം പശ്ചാത്തലമാക്കി രാജീവ് രവിയൊരുക്കിയ ദുൽഖർ ചിത്രമാണ് കമ്മട്ടിപ്പാടം. കമ്മട്ടിപ്പാടത്തിനു ശേഷം രാജീവ് രവിയുടെ ചിത്രത്തിൽ നിവിൻ പോളി നായകനാകുന്നു. 1950 കാലഘട്ടത്തെ അടിസ്ഥാനമാക്കിയാണ് പുതിയ ചിത്രം. കെ എം ചിദംബരന്റെ തുറമുഖത്തെ ആസ്പദമാക്കിയാണ് ചിത്രം ഒരുങ്ങുന്നത്. 

നിവിൻ പോളിക്ക് നിമിഷ സജയൻ ആണ് നായിക. ഒരു കുപ്രസിദ്ധ പയ്യനു ശേഷം നിമിഷ നായികയാകുന്ന ചിത്രമാണിത്. 2019 ആദ്യപകുതിയില്‍ ഷൂട്ടിംഗ് ആരംഭിക്കാനാകുമെന്നാണ് പ്രതീക്ഷിക്കുന്നത്. നേരത്തേ ഈ ചിത്രത്തിലേക്കായി പുതുമുഖങ്ങളെ ക്ഷണിച്ചിരുന്നു. 

രാജീവ് രവിയുടെ ഭാര്യയും നടിയും സംവിധായകയുമായ ഗീതു മോഹന്‍ദാസിന്റെ മൂത്തോന്‍ എന്ന സിനിമയിലും നിവിന്‍ പോളിയാണ് നായക കഥാപാത്രം ചെയ്തിരിക്കുന്നത്.