വീണ്ടും സിനിമ തിരക്കുകളിലേക്ക് രജനികാന്ത്, 'അണ്ണാത്തെ' ചിത്രീകരണം പുനരാരംഭിക്കുന്നു

ചെറിയ ഇടവേളക്ക് ശേഷം രജനികാന്ത് സിനിമ തിരക്കുകളിലേക്ക് വീണ്ടും തിരിച്ചെത്തുന്നു . 'അണ്ണാത്തെ' ചിത്രീകരണം അടുത്തുതന്നെ ആരംഭിക്കും. മാര്‍ച്ച് 15 മുതല്‍ ടീം ഷൂട്ടിംഗ് പുനരാരംഭിക്കുമെന്നും ചിത്രത്തിന്റെ ഷൂട്ടിംഗിനായി പ്രൊഡക്ഷന്‍ ഹൗസ് സുരക്ഷാ പ്രോട്ടോക്കോളുകള്‍ തയ്യാറാക്കിയിട്ടുണ്ടെന്നുമാണ് കോളിവുഡില്‍ നിന്നും ലഭിക്കുന്ന വിവരം. ഈ ഷെഡ്യൂള്‍ ചെന്നൈയില്‍ ആയിരിക്കും.

ഇവിപി ഫിലിം സിറ്റിയില്‍ ടീം ഷൂട്ടിംഗ് പുനരാരംഭിക്കും, അവിടെ നിര്‍മ്മാതാക്കള്‍ ഒരു വലിയ സെറ്റ് ഒരുക്കിയിട്ടുണ്ട്.അതിനുശേഷം കോയമ്പത്തൂരിലും പൊള്ളാച്ചിയിലുമായി ശേഷിക്കുന്ന ഭാഗങ്ങളുടെ ചിത്രീകരണം നടക്കും.

2020 ഡിസംബറില്‍ ഹൈദരാബാദില്‍ കൃത്യമായി കോവിഡ് പ്രോട്ടോകോള്‍ പാലിച്ചുകൊണ്ട് ചിത്രീകരണം നടത്തിയിട്ടും സെറ്റിലെ ടീമിലെ നാല് അംഗങ്ങള്‍ കോവിഡ് പോസിറ്റീവ് ആയി. അതിനാല്‍ തന്നെ കൃത്യമായ പ്ലാനിങ്ങോടെയാണ് ഇത്തവണ ടീം ചിത്രീകരണം പുനരാരംഭിക്കുന്നത്. നേരത്തെ രാഷ്ട്രീയത്തില്‍ പ്രവേശിക്കുമെന്ന് പ്രഖ്യാപിച്ച സൂപ്പര്‍സ്റ്റാര്‍ രജനികാന്ത് അനാരോഗ്യത്തെ തുടര്‍ന്ന് പിന്മാറി. സണ്‍ പിക്‌ചേഴ്‌സാണ് അണ്ണാത്തെ നിര്‍മ്മിക്കുന്നത്. ഗ്രാമീണ പശ്ചാത്തലത്തില്‍ ഒരുങ്ങുന്ന ഫാമിലി എന്റര്‍ടെയ്നറാണ് ഈ സിനിമയെന്ന് പറയപ്പെടുന്നു.