വിജയുടെ ദളപതി 65യില്‍ വില്ലനാകാന്‍ സെല്‍വരാഘവന്‍ ?

വിജയുടെ 'ദളപതി 65' ഒരുങ്ങുകയാണ്. ഓരോ ദിവസവും സിനിമയെക്കുറിച്ചുള്ള പുതിയ അപ്‌ഡേറ്റുകളാണ് പുറത്തു വരുന്നത്. മലയാള നടന്‍ ഷൈന്‍ ടോം ചാക്കോ ടീമില്‍ ഉണ്ടെന്ന് വിവരമാണ് ഒടുവിലായി പുറത്തുവന്നത്. ഇപ്പോഴിതാ വിജയുടെ വില്ലനാകാന്‍ സെല്‍വരാഘവന്‍ എത്തുന്നുവെന്ന റിപ്പോര്‍ട്ടുകളാണ് പുറത്തു വരുന്നത്. നിര്‍മ്മാതാക്കള്‍ ഇക്കാര്യം സ്ഥിരീകരിച്ചിട്ടില്ലെങ്കിലും പുതിയ പ്രതീക്ഷകളിലാണ് ആരാധകര്‍. സെല്‍വരാഘവനും വിജയും പരസ്പരം കൊമ്പുകോര്‍ക്കുന്നത് കാണാനുള്ള കൗതുകമാണ് അവര്‍ക്ക്.

ജോര്‍ജിയ ഷെഡ്യൂള്‍ പൂര്‍ത്തിയാക്കി അടുത്തിടെയാണ് ടീം ചെന്നൈയിലേക്ക് തിരിച്ചെത്തിയത്. നിലവിലെ സാഹചര്യത്തില്‍ ഷൂട്ടിംഗ് നിര്‍ത്തിവെച്ചിരിക്കുകയാണ്.

അതേസമയം 'സാണി കായിദം' തന്റെ പുതിയ ചിത്രത്തിന്റെ തിരക്കിലാണ് സെല്‍വരാഘവന്‍. കീര്‍ത്തി സുരേഷ് ആണ് മറ്റൊരു പ്രധാന വേഷത്തില്‍ എത്തുന്നത്.അരുണ്‍ മാതേശ്വരന്‍ സംവിധാനം ചെയ്യുന്ന ക്രൈം ത്രില്ലര്‍ ഒരുങ്ങുകയാണ്.