ശിവരാജ് കുമാര്‍ ഇനി ജയറാമിനൊപ്പം, പൊടി പാറുമോ? പ്രതീക്ഷയോടെ ആരാധകര്‍,റിലീസ് തീയതി

ശിവ രാജ്കുമാറിന്റെ പുതിയ പാന്‍ ഇന്ത്യന്‍ ചിത്രം റിലീസിന് ഒരുങ്ങുകയാണ്.'ഗോസ്റ്റ്'എന്ന പേരിട്ടിരിക്കുന്ന സിനിമയില്‍ മലയാളി താരം ജയറാമും അഭിനയിക്കുന്നു.ശ്രീനി സംവിധാനം ചെയ്യുന്ന സിനിമയ്ക്ക് മസ്ത്രിയും പ്രസന്നയും ചേര്‍ന്നാണ് തിരക്കഥ ഒരുക്കിയിരിക്കുന്നത്.

ഒക്ടോബര്‍ 19ന് ചിത്രം റിലീസ് ചെയ്യുമെന്ന് റിപ്പോര്‍ട്ടുകള്‍.ആക്ഷന്‍ ഹീസ്റ്റ് ത്രില്ലറായ സിനിമയുടെ കലാസംവിധാനം നിര്‍വഹിക്കുന്നത് 'കെജിഎഫ്' ഫെയിം ശിവ കുമാറാണ്.അര്‍ജുന്‍ ജന്യയാണ് സംഗീതം.

'ജയിലര്‍' സിനിമയില്‍ മിനിറ്റുകള്‍ മാത്രമേ ശിവ രാജ്കുമാര്‍ പ്രത്യക്ഷപ്പെട്ടുള്ളൂ എങ്കിലും ആരാധകര്‍ വേണ്ടതെല്ലാം അതിലുണ്ടായിരുന്നു. 'നരസിംഹ' എന്ന കഥാപാത്രമായി എത്തി ചിത്രത്തില്‍ മാസാകുകയായിരുന്നു ശിവ.