മമ്മൂട്ടിയുടെ മുഖത്ത് 37 വികാരങ്ങള്‍ വന്നു, അത് സിനിമയിലൊന്നും കണ്ടിട്ടില്ല, ശ്രീനിവാസന്‍ ആ ഓര്‍മ്മകള്‍ പങ്കുവയ്ക്കുന്നു

മമ്മൂട്ടിയുമായുള്ള ശ്രീനിവാസന്റെ സൗഹൃദത്തിന് വര്‍ഷങ്ങളുടെ പഴക്കമുണ്ട്. കെ.ജി ജോര്‍ജ് സംവിധാനം ചെയ്ത 'മേള' എന്ന ചിത്രത്തിലേക്ക് മമ്മൂട്ടിയെ നിര്‍ദ്ദേശിച്ചത് ശ്രീനിവാസനായിരുന്നു. തനിക്ക് ലഭിച്ച അവസരം ഭംഗിയായി ഉപയോഗിക്കാന്‍ മമ്മൂട്ടിക്കുമായി. വര്‍ഷങ്ങള്‍ക്കുമിപ്പുറം മമ്മൂട്ടിക്കൊപ്പമുണ്ടായ ഒരു രസകരമായ അനുഭവം പങ്കുവയ്ക്കുകയാണ് ശ്രീനിവാസന്‍.

രണ്ടു മക്കളെയും മമ്മൂട്ടിക്ക് വലിയ ഇഷ്ടമാണ്, അവരെപ്പറ്റി സംസാരിച്ചപ്പോള്‍ സിനിമയില്‍ പോലും കാണാത്ത മുഖഭാവങ്ങള്‍ അദ്ദേഹത്തില്‍ കണ്ടെന്നാണ് ശ്രീനിവാസന്‍ ഒരു അഭിമുഖത്തിനിടയില്‍ പറഞ്ഞത്.

മമ്മൂട്ടിയുമായി ശ്രീനിവാസന്‍ സംസാരിച്ചുകൊണ്ടിരിക്കുകയായിരുന്നു. ഇതിനിടയില്‍ നിങ്ങള്‍ ശരിക്കും ഭാഗ്യവാന്‍ ആണെന്ന് മമ്മൂട്ടിയോട് ശ്രീനിവാസല്‍ പറഞ്ഞു. മമ്മൂട്ടിയെ അങ്ങനെയൊന്നും പ്രശംസിക്കാറൊന്നുമില്ലെന്ന് ശ്രീനിവാസന്‍ പറഞ്ഞു. അതുകൊണ്ട് നെറ്റിയില്‍ കുടിയൊക്കെ ലൈറ്റ് കത്തുന്ന പോലൊരു ഒരു തെളിച്ചും വന്നുവെന്നും

ഭാഗ്യവാന്‍ എന്ന് വിളിക്കാനുള്ള കാരണമെന്താണെന്ന മട്ടില്‍ പുള്ളി തന്നെ ഒന്ന് നോക്കിയെന്നും ശ്രീനിവാസന്‍ പറയുന്നു.

'നിങ്ങളുടെ രണ്ട് മക്കളും നിങ്ങളെ പോലെ ആയില്ലല്ലോ എന്ന് ഞാന്‍ പറഞ്ഞു. പുള്ളിടെ മുഖത്ത് 37 വികാരങ്ങള്‍ അപ്പോള്‍ വന്നു, അത് സിനിമയിലൊന്നും കണ്ടിട്ടില്ല, പിന്നീടും അത് ഞാന്‍ കണ്ടിട്ടില്ല',-ശ്രീനിവാസന്‍ പറഞ്ഞു.