എമ്പുരാനില്‍ സുരാജും ഷൈനും ഷറഫുദ്ദീനും, കാത്തിരിക്കുന്ന അപ്‌ഡേറ്റ് നാളെ, മോഹന്‍ലാലിന്റെ ജന്മദിനം ആഘോഷമാക്കാന്‍ ആരാധകര്‍

മലയാളി സിനിമ പ്രേമികള്‍ ഒരേപോലെ കാത്തിരിക്കുന്ന ചിത്രമാണ് എമ്പുരാന്‍. താരന്‍ സമ്പന്നമായ സിനിമയില്‍ മലയാളത്തിലെ പ്രമുഖ താരങ്ങള്‍ കൂടി ചേര്‍ന്ന വിവരങ്ങളാണ് പുറത്തുവന്നിരിക്കുന്നത്.പൃഥ്വിരാജ് സുകുമാരന്‍ സംവിധാനം ചെയ്യുന്ന സിനിമയുടെ ചിത്രീകരണം പുരോഗമിക്കുന്നു.

സുരാജ് വെഞ്ഞാറമൂട്, ഷൈന്‍ ടോം ചാക്കോ, ഷറഫുദ്ദീന്‍ എന്നിവര്‍ ടീമിനൊപ്പം ചേര്‍ന്നു എന്നതാണ് പുതിയ വിവരം. അതിനിടെ, സുരാജ് വെഞ്ഞാറമൂട് അവതരിപ്പിക്കുന്ന കഥാപാത്രത്തിന്റെ ഒരു പൊതുപ്രസംഗ വീഡിയോ സാമൂഹ്യ മാധ്യമങ്ങളില്‍ ചേര്‍ന്നു.

തിരുവനന്തപുരത്താണ് നിലവില്‍ ചിത്രീകരണം പുരോഗമിക്കുന്നത്. മഞ്ജു വാര്യര്‍ അവതരിപ്പിക്കുന്ന പ്രിയദര്‍ശനി രാംദാസ് എന്ന കഥാപാത്രത്തിന്റെ ഭാഗങ്ങളാണ് ഇപ്പോള്‍ ഷൂട്ട് ചെയ്യുന്നത്.

 കൊച്ചി ഷെഡ്യൂള്‍ ആരംഭിക്കുന്നതിന് മുമ്പ് ബാക്കിയുള്ള വിദേശ ഷെഡ്യൂളുകള്‍ പൂര്‍ത്തിയാക്കേണ്ടതുണ്ട്. അതിലേക്ക് ടീം കടക്കും എന്നാണ് നിലവില്‍ ലഭിക്കുന്ന വിവരം. പൃഥ്വിരാജും മഞ്ജു വാര്യരും ഒന്നിക്കുന്ന ഒരു ലൊക്കേഷന്‍ വീഡിയോ അടുത്തിടെ വൈറലായിരുന്നു. എന്നാല്‍ പുതിയ ഷെഡ്യൂളില്‍ മോഹന്‍ലാല്‍ ജോയിന്‍ ചെയ്തിട്ടില്ല.

നാളെ (മെയ് 21ന്) മോഹന്‍ലാലിന്റെ ജന്മദിനമായതിനാല്‍, 'എല്‍ 2: എമ്പുരാന്‍' ടീമില്‍നിന്ന് വലിയൊരു അപ്‌ഡേറ്റ് പ്രതീക്ഷിക്കാം.