ഇനി ഉണ്ണി മുകുന്ദന്റെ കാലം! മലയാളത്തില്‍ മാത്രമല്ല തമിഴിലും തിളങ്ങാന്‍ നടന്‍, വരാനിരിക്കുന്ന സിനിമകള്‍, അപ്‌ഡേറ്റ്

unni mukundan

ഇനി ഉണ്ണി മുകുന്ദന്റെ കാലം. മാസങ്ങളായി നടന്റെ ഒരു സിനിമ പുറത്തിറങ്ങിയിട്ട്. ആരാധകരുടെ കാത്തിരിപ്പ് അവസാനിപ്പിച്ചുകൊണ്ട് ആദ്യം എത്തുന്നത് ജയ് ഗണേഷ് എന്ന ചിത്രമാണ്. ഏപ്രില്‍ 11നാണ് റിലീസ് പ്രഖ്യാപിച്ചിരിക്കുന്നത്. ഇതിനുമുമ്പ് റിലീസിന് എത്തുന്ന സിനിമകളെ കുറിച്ചുള്ള വിവരങ്ങള്‍ ഒന്നും നടന്‍ കൈമാറിയിട്ടും ഇല്ല. ഇപ്പോഴിതാ തന്റെ സിനിമകളുടെ ഓരോ അപ്‌ഡേറ്റുകള്‍ ആയി വരും ദിവസങ്ങളില്‍ പുറത്തു വരുന്നുണ്ടെന്ന് കൂടി അറിയിച്ചിരിക്കുകയാണ് ഉണ്ണി മുകുന്ദന്‍.

തമിഴില്‍ അഭിനയിച്ച ഗരുഡന്‍ എന്ന ചിത്രം ഉടന്‍ റിലീസ് ചെയ്യുമെന്ന് ഉണ്ണി മുകുന്ദന്‍ അറിയിച്ചു. ഉണ്ണി മുകുന്ദന്‍ നായകനായി എത്തുന്ന 'ഗെറ്റ് സെറ്റ് ബേബി' ചിത്രീകരണം പൂര്‍ത്തിയായി.

മലയാള സിനിമയുടെ ചരിത്രത്തില്‍ ആദ്യമായി ഒരു വില്ലന്റെ സ്പിന്‍ ഓഫ് സിനിമ വരുന്നു.ഹനീഫ് അദേനി സംവിധാനം ചെയ്യുന്ന ഏറ്റവും പുതിയ മാര്‍ക്കോ ചിത്രീകരണം ഉടന്‍ ആരംഭിക്കും.ഫാന്റസി സിനിമകളെ ഇഷ്ടപ്പെടുന്നവര്‍ക്കായി ഉണ്ണി മുകുന്ദന്റെ 'ഗന്ധര്‍വ്വ ജൂനിയര്‍' വരുന്നു. എന്താണ് വരാനിരിക്കുന്ന സിനിമ പറയാന്‍ പോകുന്നതെന്ന് സൂചന നല്‍കിക്കൊണ്ട് ടീസര്‍ നവംബര്‍ 9ന് പുറത്തുവരും. ഉടനെതന്നെ തിയേറ്ററുകളില്‍ കാണാമെന്ന് പറഞ്ഞുകൊണ്ടാണ് നടന്‍ പുതിയ അപ്‌ഡേറ്റുകള്‍ കൈമാറിയത്.