ചങ്കുറപ്പാണ് ഈ മമ്മൂക്ക! - വൈറലായി ഗാനം

മമ്മൂട്ടിക്കൊരു ട്രിബ്യൂട്ട്!

സൂപ്പർ സ്‌റ്റാറിനോടുള്ള ആരാധനയുടെ കഥ പറഞ്ഞ 'മോഹൻലാൽ' പ്രേക്ഷകർ ഏറ്റെടുത്തതിന് പിന്നാലെ മെഗാസ്‌റ്റാർ മമ്മൂട്ടിയോടുള്ള ആരാധനയുടെ കഥ പറയുന്ന സിനിമയും അണിയറയിൽ ഒരുങ്ങുന്നു.

മെഗാസ്‌റ്റാറിന്റെ കഥ പറയുന്ന ചിത്രമാണ് ഇക്കയുടെ ശകടം. പ്രിൻസ് അവറാച്ചൻ സംവിധാനം ചെയ്യുന്ന ചിത്രത്തിൽ അപ്പാനി ശരതാണ് നായകനായെത്തുന്നത്. ടാക്‌സി ഡ്രൈവറായി ശരത് എത്തുമ്പോൾ മമ്മൂട്ടി ഫാൻസ് അസോസിയേഷന്റെ പ്രവർത്തകരും ചിത്രത്തിൽ ഉണ്ടായിരിക്കുമെന്ന് റിപ്പോർട്ടുകളുണ്ട്. ഇപ്പോഴിതാ, ചിത്രത്തിലെ ട്രിബ്യൂട്ട് ഗാനം പുറത്തുവന്നിരിക്കുന്നു. 

കൂടാതെ ജനപ്രിയന്റെ കഥയുമായി 'ഷിബു'വും എത്തുന്നുണ്ടെന്നാണ് റിപ്പോർട്ടുകൾ. താരാരാധനയെക്കുറിച്ചുള്ള സിനിമകൾ ഹിറ്റുകളിലേക്ക് പോകുമ്പോഴാണ് ഇതേപോലുള്ള ചിത്രങ്ങളുമായി സംവിധായകർ പ്രേക്ഷകരിലേക്ക് എത്തുന്നത്.