തമിഴ്‌നടന്‍ ദളപതി വിജയും പട്ടാള ഉദ്യോഗസ്ഥനും തമ്മിലുള്ള ഫോണ്‍ സംഭാഷണം സോഷ്യൽ മീഡിയകളിൽ വൈറലാകുന്നു. കൂടല്ലൂർ സ്വദേശിയായ തമിഴ്സെൽവനെ വിജയ് ഫോൺവിളിക്കുന്ന വിഡിയോ ക്ലിപ്പ് ആണ് സമൂഹമാധ്യമങ്ങളിൽ ചർച്ചയാകുന്നത്.
വിജയിന്റെ കടുത്ത ആരാധകനാണ് കൂടല്ലൂര്‍ സ്വദേശിയായ തമിഴ്‌സെല്‍വന്‍. 17 വര്‍ഷമായി അദ്ദേഹം ഇന്ത്യന്‍ ആര്‍മിയില്‍ സേവനം ചെയ്യുന്നു. അദ്ദേഹം തന്നെയാണ് ഓഡിയോ പുറത്തുവിട്ടതെന്നാണ് സൂചന. പുൽ‌വാമ ഭീകരാക്രമണത്തെ തുടർന്ന് അവധിയില്‍ ആയിരുന്ന പട്ടാളക്കാരില്‍ പലരെയും അടിയന്തരമായി അതിര്‍ത്തിയിലേക്ക് തിരിച്ചു വിളിച്ചിരുന്നു.
ഈ സാഹചര്യത്തില്‍ ലീവിന് വീട്ടിലെത്തിയ തമിഴ്സെൽവനേയും ആർമി തിരികെ വിളിച്ചിരുന്നു. തേനിയിലെ വിജയ് ഫാന്‍സ് അസോസിയേഷന്റെ അധ്യക്ഷന്‍ പാണ്ടി വഴിയാണ് തമിഴ്‌സെല്‍വന്റെ കാര്യം വിജയ് അറിയുന്നത്. അറിഞ്ഞതും തമിഴ്‌സെല്‍വനെ വിജയ് നേരിട്ട് വിളിക്കുകയായിരുന്നു.
‘ജമ്മുവിലേക്ക് പോകുകയാണ് എന്ന് അറിഞ്ഞു. നിങ്ങള്‍ വിഷമിക്കേണ്ട, ഒരു പ്രശ്‌നവും ഉണ്ടാകില്ല. സന്തോഷവാനായി ഇരിക്കൂ. ജോലി കഴിഞ്ഞു തിരികെ വരുമ്പോള്‍ നമുക്ക് നേരിട്ട് കാണാം.’ വിജയ് പറഞ്ഞു. ഒരുപാട് നാളായി നിങ്ങനെ നേരിട്ട് കാണാൻ ആഗ്രഹിക്കുന്നുവെന്നും വിളിച്ചതിൽ ഒരുപാട് നന്ദിയുണ്ടെന്നും വിജയോട് തമിഴ്സെൽവൻ മറുപടിയായി പറയുന്നതും വിഡിയോയിൽ കേൾക്കാം.