ഇന്നത്തെ പ്ലാന്‍ എന്താ ? ചോദ്യമായി എത്തുന്നവര്‍ക്ക് രസകരമായ മറുപടിയുമായി മഞ്ജിമ മോഹന്‍

നവംബര്‍ 28നായിരുന്നു ഗൗതം കാര്‍ത്തിക്കും മഞ്ജിമ മോഹനും വിവാഹിതരായത്.ചെന്നൈയില്‍ നടന്ന ചടങ്ങില്‍ സിനിമാലോകത്തെ പ്രമുഖരെല്ലാം പങ്കെടുത്തിരുന്നു. വിവാഹശേഷം വീട്ടില്‍ കഴിയുന്ന നടിയോട് പലരും സ്ഥിരമായി ചോദിക്കുന്ന ഒരു ചോദ്യത്തിന് രസകരമായ മറുപടി നല്‍കിയിരിക്കുകയാണ് മഞ്ജിമ.

'ഈ ദിവസത്തെ എന്റെ പ്ലാന്‍ എന്താണെന്ന് ആരെങ്കിലും എന്നോട് ചോദിക്കുമ്പോള്‍?ഞാന്‍ : 1. പൂച്ചക്കുട്ടികളെ കണ്ടെത്തുക, 2. അവരുടെ പ്രിയപ്പെട്ട ജീവനുവേണ്ടി അവര്‍ ഓടുന്നത് വരെ അവയെ ഞെരുക്കുക, 3. അവയെ ഓടിച്ചിട്ട് വീണ്ടും ഞെരുക്കുക!,'-മഞ്ജിമ മോഹന്‍ തന്റെ പൂച്ചക്കുട്ടികള്‍ക്കൊപ്പം ഉള്ള ചിത്രം പങ്കു വച്ചുകൊണ്ട് കുറിച്ചു.

1998 ല്‍ 'കളിയൂഞ്ഞാല്‍' എന്ന ചിത്രത്തില്‍ ഗൗരിയുടെ കുട്ടിക്കാലം അവതരിപ്പിച്ചുകൊണ്ട് സിനിമയിലെത്തിയ നടിയാണ് മഞ്ജിമ മോഹന്‍.2002ല്‍ പുറത്തിറങ്ങിയ താണ്ഡവം വരെ ബാലതാരമായി കുട്ടി താരം ഉണ്ടായിരുന്നു. പിന്നെ ഒരു ഇടവേള.2015ല്‍ ഒരു വടക്കന്‍ സെല്‍ഫി എന്ന ചിത്രത്തിലൂടെ മഞ്ജിമ വീണ്ടും ചലച്ചിത്ര രംഗത്തേക്ക് തിരിച്ചു തിരിച്ചെത്തി.മധുരനൊമ്പരക്കാറ്റ്(2000) എന്ന ചിത്രത്തിലെ അഭിനയത്തിനു കേരള സംസ്ഥാന ചലച്ചിത്ര പുരസ്‌കാരം മഞ്ജിമയെ തേടിയെത്തി.

ഛായാഗ്രാഹകന്‍ വിപിന്‍ മോഹന്റെയും നര്‍ത്തകി കലാമണ്ഡലം ഗിരിജയുടെയും മകള്‍ കൂടിയാണ് മഞ്ജിമ. ഗണിത ശാസ്ത്രത്തില്‍ ബിരുദം നേടി.