‘കടുവ‘യില്‍ നിന്ന് മോഹന്‍ലാലിനെ മാറ്റിയതെന്തിന്? ഷാജി കൈലാസിന്‍റെ പുതിയ നീക്കത്തില്‍ പൃഥ്വിരാജിന്‍റെ പങ്കെന്ത്?

അനില്‍ ജോണ്‍
ബുധന്‍, 30 ഒക്‌ടോബര്‍ 2019 (16:01 IST)
ആറുവര്‍ഷങ്ങള്‍ക്ക് ശേഷം ഷാജി കൈലാസ് സംവിധാനം ചെയ്യുന്ന മലയാള ചിത്രമാണ് ‘കടുവ’. ഒരു ഹൈവോള്‍ട്ടേജ് ആക്ഷന്‍ ത്രില്ലറായ ഈ സിനിമ ഒരു മലയോരപ്രദേശത്ത് 90കളില്‍ നടന്ന സംഭവങ്ങളുടെ ചലച്ചിത്രാവിഷ്കാരമാണ്. ജിനു ഏബ്രഹാമാണ് ചിത്രത്തിന്‍റെ തിരക്കഥ. പൃഥ്വിരാജ് നായകനായെത്തുന്ന സിനിമയുടെ ചിത്രീകരണം ഉടന്‍ ആരംഭിക്കും.
 
കടുവയില്‍ പൃഥ്വിരാജിന്‍റേത് അല്‍പ്പം അതിമാനുഷികതയൊക്കെയുള്ള നായകനാണ്. പൊലീസുകാരെ തല്ലുകയും പോരിനുവിളിക്കുകയുമൊക്കെ ചെയ്യുന്ന തനി ചട്ടമ്പി. രാഷ്ട്രീയബലവും ബന്ധുബലവുമുള്ള താന്തോന്നി. ഈ കഥാപാത്രത്തിന്‍റെ വീരസാഹസികതകളാണ് സിനിമ പ്രമേയമാക്കുന്നത്.
 
കടുവയില്‍ മോഹന്‍ലാലിനെ നായകനാക്കാനാണ് ഷാജികൈലാസ് ആഗ്രഹിച്ചത്. കഥയും തിരക്കഥയും മോഹന്‍ലാലിനെ വായിച്ചുകേള്‍പ്പിക്കുകയും അദ്ദേഹത്തിന് ഇഷ്ടമാകുകയും ചെയ്തതാണ്. ചെയ്യാമെന്ന് മോഹന്‍ലാല്‍ പറഞ്ഞെങ്കിലും എന്ന് ചെയ്യാം എന്ന കാര്യത്തില്‍ ഒരു വ്യക്തതയുണ്ടായിരുന്നില്ല. ഒരുപാട് പ്രൊജക്ടുകളുടെ തിരക്കുണ്ട് മോഹന്‍ലാലിന്. താന്‍ സംവിധാനം ചെയ്യുന്ന ബറോസ്, പൃഥ്വിരാജ് സംവിധാനം ചെയ്യുന്ന എമ്പുരാന്‍ തുടങ്ങിയ വമ്പന്‍ പ്രൊജക്ടുകള്‍ ക്യൂവിലാണ്. അതുകൊണ്ടുതന്നെ ഒരു രണ്ടുവര്‍ഷത്തേക്ക് മോഹന്‍ലാലിന്‍റെ ഡേറ്റ് അവൈലബിളല്ല.
 
എന്നാല്‍ ഷാജി കൈലാസിന് ഈ സിനിമ ഉടന്‍ ചെയ്യണമായിരുന്നു. ഇനിയൊരു രണ്ടുവര്‍ഷം കൂടി കാത്തിരിക്കാന്‍ ഷാജി തയ്യാറല്ലായിരുന്നു. അപ്പോള്‍ മോഹന്‍ലാല്‍ തന്നെയാണ് ‘എങ്കില്‍ പൃഥ്വിയെ വച്ച് ചെയ്യൂ’ എന്ന നിര്‍ദ്ദേശം വച്ചത്. അത് ഷാജിക്കും സ്വീകാര്യമായി. അങ്ങനെയാണ് കടുവയില്‍ നായകനായി പൃഥ്വി എത്തുന്നത്.
 
കടുവയിലൂടെ മലയാളത്തിലെ ത്രില്ലര്‍ സിനിമകളുടെ രാജാവ് തിരിച്ചെത്തുമ്പോള്‍ അത് പൃഥ്വിരാജ് ആരാധകര്‍ക്കും ഏറെ സന്തോഷം പകരുന്ന ഒരു കാര്യമായി മാറുന്നു. 

അനുബന്ധ വാര്‍ത്തകള്‍

വായിക്കുക

Eko Movie: 'എക്കോ' സംശയങ്ങളും സംവിധായകനും തിരക്കഥാകൃത്തും ഒളിപ്പിച്ചുവച്ചിരിക്കുന്ന ഉത്തരങ്ങളും

Eko Movie Detailing: എല്ലാ ചോദ്യങ്ങള്‍ക്കും ഉത്തരം നല്‍കി അവസാനിക്കുന്ന 'എക്കോ'

പ്രഭാസിനൊപ്പം രണ്‍ബീറും!, ബോക്‌സോഫീസ് നിന്ന് കത്തും, സ്പിരിറ്റിന്റെ പുത്തന്‍ അപ്‌ഡേറ്റ്

Bigg Boss Malayalam Season 7: പിആര്‍ കുരുക്കില്‍ അനുമോള്‍; ബിഗ് ബോസില്‍ ഒറ്റപ്പെടുന്നു, പ്രേക്ഷക പിന്തുണയും കുറഞ്ഞു

ഭ്രമയുഗം ഒന്നാന്തരം സിനിമ തന്നെ, പക്ഷേ, എത്രപേർ കണ്ടു?; ചോദ്യവുമായി മന്ത്രി സജി ചെറിയാൻ

എല്ലാം കാണുക

ഏറ്റവും പുതിയത്

ശബരിമല തീര്‍ത്ഥാടകര്‍ സഞ്ചരിച്ച ബസ് കൊക്കയിലേക്ക് മറിഞ്ഞു; ഒരാള്‍ മരിച്ചു, രണ്ട് പേരുടെ നില ഗുരുതരം

കൈയില്‍ കീറിയതോ തീപിടിച്ചതോ ആയ നോട്ടുകളുണ്ടോ? ഇക്കാര്യം അറിയണം

കോടതിയലക്ഷ്യ നടപടി: കശുവണ്ടി കുംഭകോണ കേസില്‍ സര്‍ക്കാരിനെതിരെ വീണ്ടും ഹൈക്കോടതിയുടെ വിമര്‍ശനം

ഡിറ്റ് വാ ചുഴലിക്കാറ്റ് തമിഴ്‌നാട് തീരത്തോട് അടുക്കുന്നു; 54 വിമാനങ്ങള്‍ റദ്ദാക്കി, സ്‌കൂളുകള്‍ അടച്ചു

അതിജീവിതയെ പൊതുസമൂഹത്തിനു മനസിലാകുന്ന തരത്തില്‍ ഫെയ്‌സ്ബുക്കില്‍ പോസ്റ്റിട്ട് സന്ദീപ് വാര്യര്‍

അടുത്ത ലേഖനം
Show comments