ആരേയും വിശ്വസിക്കാന്‍ കഴിയില്ല, ഇനി എല്ലാ ഡീലിങ്‌സും നേരിട്ട്; തെന്നിന്ത്യന്‍ താരസുന്ദരി പറയുന്നു

കഴിഞ്ഞ കുറച്ചു ദിവസങ്ങളായി മയക്കുമരുന്നിന്റെ നീരാളിപ്പിടുത്തത്തിലാണ് തെലുങ്ക് സിനിമാലോകം. ആ വാര്‍ത്ത വന്നതോടെ ഞെട്ടിയ താരമാണ് കാജല്‍ അഗര്‍വാള്‍. എന്തെന്നാല്‍ മയക്കുമരുന്നു റാക്കറ്റുമായി ബന്ധപ്പെട്ട് അറസ്റ്റിലായവരില്‍ കാജലിന്റെ മാനേജറുമുണ്ടായിരുന്നു. മാനേജര്‍ പുട്കര്‍ റോണ്‍സണ്‍ ജോസഫിന്റെ വീട്ടില്‍ നിന്നായിരുന്നു പൊലീസ് മയക്കുമരുന്ന് കണ്ടെടുത്തത്.

ഈ വാര്‍ത്ത വന്നതോടെ താന്‍ നടുങ്ങിപ്പോയ കാര്യം കാജല്‍ മറച്ചു വച്ചില്ല. ടിറ്ററിലൂടെയായിരുന്നു ആ ഞെട്ടല്‍ താരം രേഖപ്പെടുത്തിയത്. ഇനി തനിക്കൊരു മാനേജരില്ലെന്നു ഒരാളെയും വിശ്വസിക്കാന്‍ പറ്റാത്ത കാലമാണിതെന്നുമാണ് കാജല്‍ പറയുന്നത്. ഇനിമുതല്‍ നേരിട്ടുതന്നെ എല്ലാം കൈകാര്യം ചെയ്യാനാണ് തന്റെ തീരുമാനമെന്നും സഹായത്തിന് മാതാപിതാക്കള്‍ മാത്രം മതിയെന്നുമാണ് കാജല്‍ പറയുന്നത്.