കാശിയില്‍ നിന്നും തെങ്കുറിശ്ശിയിലേക്ക് ഒടിയന്റെ യാത്ര! - തരംഗമായി ഒടിയന്റെ ടീസര്‍

ഒടിയന്‍ യാത്ര ആരംഭിച്ചു!

ഒടിയന്റെ വിശേഷങ്ങളുമായി മോഹന്‍ലാല്‍ നാളെ ഫേസ്ബുക്ക് ലൈവില്‍. തന്റെ ഒഫീഷ്യല്‍ പേജിലൂടെ പുറത്തുവിട്ട ഒടിയന്‍ ടീസറിലൂടെയാണ് മോഹന്‍ലാല്‍ ഇക്കാര്യം വ്യക്തമാക്കിയിരിക്കുന്നത്. ഒടിയന്‍ മാണിക്യം വാരണാസി വിശേഷങ്ങള്‍ ആരാധകരുമായി പങ്കുവെയ്ക്കുന്നുവെന്നാണ് വീഡിയോയില്‍ പറഞ്ഞിരിക്കുന്നത്.

8 സെക്കന്‍ഡ് മാത്രം ധൈര്‍ഘ്യമുള്ള വീഡിയോ ഇതിനോടകം സോഷ്യല്‍ മീഡിയകളില്‍ വൈറലായി കഴിഞ്ഞു. മലയാളത്തിലെ ഇതുവരെയുള്ള ഏറ്റവും കൂടിയ ബജറ്റില്‍ ഒരുങ്ങുന്ന ചിത്രമാണ് ഒടിയന്‍‍. വിഎ ശ്രീകുമാറാണ് ചിത്രം സംവിധാനം ചെയ്യുന്നത്. ചിത്രത്തിന്റെ ഷൂട്ടിംഗ് കാശിയിലും ബനാറസിലുമായി ആരംഭിച്ചു. 

വിഷ്വല്‍ ഇഫക്റ്റ്സിന് ഏറെ പ്രാധാന്യമുള്ള ചിത്രത്തില്‍ ഇതിനു മാത്രമായി 10 കോടി രൂപയാണ് മുടക്കുന്നത്. ആക്ഷന്‍ കൊറിയോഗ്രഫി നിര്‍വഹിക്കുന്നത് പീറ്റര്‍ ഹെയ്നാണ്. പണ്ടുകാലത്തെ വിശ്വാസങ്ങളുമായി ബന്ധപ്പെട്ട ഒടിവിദ്യ ഉള്‍പ്പടെ വശമുള്ള ഒടിയന്‍ മാണിക്യം എന്ന കഥാപാത്രമായി മോഹന്‍ലാല്‍ എത്തുന്ന ചിത്രത്തിലെ സംഘട്ടന രംഗങ്ങള്‍ക്ക് ഏറെ പ്രാധാന്യമാണുള്ളത്.