ചരിത്രത്തില്‍ ഇതാദ്യം ! - ആ റെക്കോര്‍ഡ് രാമലീലയ്ക്കും ദിലീപിനും സ്വന്തം !

രാമനുണ്ണിയുടെ കളികള്‍ അത്ര പെട്ടന്ന് അവസാനിക്കില്ല!

സെപ്തംബര്‍ 28നു റിലീസ് ചെയ്ത ദിലീപ് ചിത്രം രാമലീല വമ്പിച്ച വിജയത്തിലേക്ക് കുതിക്കുകയാണ്. ഒരു ചരിത്ര മുഹൂര്‍ത്തത്തിലാണ് രാമലീല എത്തിയിരിക്കുന്നത്. ചരിത്രത്തില്‍ ആദ്യമായി ഒരു സിനിമ 3:00AMന് ഷോ എന്ന ബഹുമതിയും ഇനി രാമലീലയ്ക്ക് സ്വന്തം. കുന്നംകുളം ഭാവനയില്‍ രാമലീലയുടെ തിരക്ക് മൂലം തീയറ്റര്‍ അച്ചിടാന്‍ പറ്റാത്ത അവസ്ഥ ആയി. വന്‍ ജനത്തിരക്ക് ആയതിനാല്‍ 3 മണിക്കും ഷോ നടത്തി. 3 മണിക്കുള്ള ഷോയും ഹൌസ്ഫുള്‍ തന്നെയായിരുന്നു.

പല തീയറ്ററുകളിലും പ്രേക്ഷകരുടെ വൻ തിരക്കുകൾ മൂലം ഷോകളുടെ എണ്ണം കൂട്ടുന്നുണ്ട്. മോഹന്‍ലാലിന്റെ പുലിമുരുനു ശേഷം മലയാള സിനിമ കണ്ട ഏറ്റവും വലിയ ജനത്തിരക്കാണ് രാമലീല പ്രദര്‍ശിപ്പിക്കുന്ന തീയറ്ററുകളില്‍ കാണാന്‍ കഴിയുന്നത്. കുടുംബ പ്രേക്ഷകരുടെയും സ്ത്രീ പ്രേക്ഷകരുടെയും വമ്പൻ തിരക്ക് തീയറ്ററുകളില്‍ ഉണ്ട്.

നവാഗതനായ അരുണ്‍ ഗോപി സംവിധാനം ചെയ്യ്ത രാമലീലയില്‍ രാമനുണ്ണി എന്ന രാഷ്ട്രീയക്കാരന്റെ വേഷത്തിലാണ് ദിലീപ് എത്തിയിരിക്കുന്നത്. അപ്രതീക്ഷിത വിജയത്തിലേക്കാണ് ചിത്രം നീങ്ങുന്നതെന്ന് വ്യക്തം.