ബോളിവുഡ് സുന്ദരിയെ ഒരു നോക്ക് കാണാന്‍ ഭൂമി പിളര്‍ന്നും അവന്‍ വരും! ഒടുവില്‍ സണ്ണിയും പറഞ്ഞു ‘ഓസം’

സണ്ണിക്ക് ഏറ്റവും ഇഷ്ടപെട്ട ചിത്രം ഇതാണ്!

ബോളിവുഡ് സുന്ദരി സണ്ണി ലിയോണായിരുന്നു ഇന്നലെ കേരളത്തിലെ ചെറുപ്പക്കാരുടെ പ്രധാന സംസാരവിഷയം. സണ്ണിയെ കാണുന്നതിനായി ആയിരങ്ങള്‍ ഇന്നലെ കൊച്ചിയില്‍ എത്തിയിരുന്നു. തിരക്കു മൂലം എസ്ബിഐ ശാഖയുടെ മുകളിലും അതുവഴി കടന്നു പോയ ബസിന്റെ മുകളിലും കയറിയിരുന്നാണു പലരും താരത്തെ കണ്ടത്. സംഭവത്തില്‍ നിരവധി ട്രോളുകളും എത്തി. രസകരമായ ചിത്രങ്ങളായിരുന്നു കൂടുതലും. അതില്‍ തനിക്കേറ്റവും ഇഷ്ടപ്പെട്ട ചിത്രം ഏതെന്ന് പറയുകയാണ് സണ്ണി. 

നടിയെ കാണാന്‍ മൊബൈല്‍ പരസ്യത്തിന്റെ ഫ്ലക്സ് കീറി നോക്കുന്ന ഒരു ആരാധകനെയാണ് സണ്ണിക്ക് കൂടുതല്‍ ഇഷ്ടമായത്. എടുത്ത ചിത്രങ്ങളില്‍ തനിക്ക് ഏറെ ഇഷ്ടപെട്ട ചിത്രം ഇതാണെന്നും പറഞ്ഞ് സണ്ണി തന്നെ ഇക്കാര്യം ട്വീറ്റ് ചെയ്തിരിക്കുകയാണ്. രസകരമായ അടിക്കുറിപ്പുകള്‍ എഴുതാനായി മനസ്സില്‍ വരുന്നുണ്ടെന്നും സണ്ണി പറഞ്ഞു. 

ബോളിവുഡ് താരം സണ്ണി ലിയോണെ ഒരുനോക്ക് കാണാന്‍ ബസിന് മുകളിലും കെട്ടിടത്തിന് മുകളില്‍ വലിഞ്ഞുകയറിയവരുണ്ട്. വ്യാഴാഴ്ച ഉച്ചയോടെയാണ് സണ്ണി ലിയോണ്‍ എംജി റോഡില്‍ മഹാരാജാസ് കോളജ് ഗ്രൗണ്ടിനു മുന്നിലുള്ള മൊബൈല്‍ ഷോറൂം ഉദ്ഘാടനം ചെയ്യുന്നതിനായി എത്തിയത്. സണ്ണി ലിയോണിനെ ഒരുനോക്കു കാണുന്നതിനായി ആയിരങ്ങള്‍ ഇവിടെ തടിച്ചു കൂടിയിരുന്നു.