മമ്മൂട്ടി ഒരുപാട് നിർബന്ധിച്ചു, പക്ഷേ ആ നടൻ നഷ്ടപ്പെടുത്തിയത് മണിരത്നം ചിത്രം !

മമ്മൂട്ടി ഒരുപാട് നിർബന്ധിച്ചു, പക്ഷേ അത് നടന്നില്ല!

മണിരത്നത്തിന്റെ ഹിറ്റ് ചിത്രങ്ങളിൽ ഏറ്റവും മുന്നിൽ നിൽക്കുന്നതിൽ ഒന്നാണ് ദളപതി. മമ്മൂട്ടി , രജനികാന്ത് എന്നിവരെ കേന്ദ്ര കഥാപാത്രങ്ങളാക്കി ചെയ്ത സിനിമ ഇൻഡസ്ട്രിയൽ ഹിറ്റായിരുന്നു. മമ്മൂട്ടിയുടെ നിർബന്ധം കാരണം മണിരത്നം മറ്റൊരു നടനെ കൂടി ചിത്രത്തിലേക്ക് ക്ഷണിച്ചിരുന്നു. അത് മറ്റാരുമല്ല - നടൻ ജയറാം ആയിരുന്നു. 

കേരളത്തിലേപ്പോലെ തന്നെ ധാരാളം ആരാധകര്‍ ജയറാമിന് തമിഴിലും ഉണ്ട്. ദളപതിയില്‍ രജനികാന്തിനൊപ്പം പ്രധാന വേഷത്തിലെത്തിയ മമ്മൂട്ടിയുടെ നിര്‍ബന്ധ പ്രകാരമായിരുന്നു ജയറാമിനെ ചിത്രത്തിലേക്ക് തിരഞ്ഞെടുത്തത്. എന്നാല്‍ മറ്റ് ചിത്രങ്ങളിലെ തിരക്ക് കാരണം ജയറാം ദളപതിയിലെ അവസരം നിഷേധിച്ചു.

തമിഴില്‍ നിരവധി സംവിധായകര്‍ക്കും കമലഹാസനുള്‍പ്പെടെയുള്ള സൂപ്പര്‍ താരങ്ങള്‍ക്കും ഒപ്പം ജയറാം അഭിനയിച്ചിട്ടുണ്ടെങ്കിലും മണിരത്‌നം ചിത്രത്തിലോ രജനികാന്തിനൊപ്പമോ അഭിനയിക്കാന്‍ ജയറാമിന് സാധിച്ചിട്ടില്ല.

മണിരത്‌നം രജിനികാന്ത് എന്നിവര്‍ക്കൊപ്പം അഭിനയിക്കാനുള്ള അവസരമാണ് ദളപതിയില്‍ ജയറാം നഷ്ടപ്പെടുത്തിയത്. 

ജയറാമിന് പകരം ആ കഥാപാത്രത്തെ അവതരിപ്പിച്ചത് അരവിന്ദ് സ്വാമിയായിരുന്നു. അരവിന്ദ് സ്വാമിയുടെ കരിയറിലെ ആദ്യ ചിത്രമായിരുന്നു ദളപതി. ദളപതിക്ക് ശേഷം മണിരത്‌നം സംവധാനം ചെയ്ത അടുത്ത ചിത്രത്തില്‍ അരവിന്ദ് സ്വാമിയായിരുന്നു നായകന്‍.