വൈശാഖും മമ്മൂട്ടിയും റെഡി, പക്ഷേ ടോമിച്ചൻ തയ്യാറല്ല? രാജ 2 വരില്ല!

വൈശാഖ് എഴുതി നൽകിയ തിരക്കഥ ഇഷ്ടമായില്ല, രാജ 2 വരില്ല!

മമ്മൂട്ടി ആരാധകർ ഏറെ പ്രതീക്ഷയോടെ കാത്തിരിയ്ക്കുന്ന ചിത്രമാണ് രാജ 2. മലയാളത്തിൽ പല റെക്കോർഡുകളും മാറ്റിയെഴുതിയ പുലിമുരുകൻ ടീം വീണ്ടും ഒന്നിക്കുന്നു എന്നതാണ് ഇതിന്റെ ഏറ്റവും വലിയ ആകർഷണ ഘടകം. എന്നാൽ, ഇപ്പോൾ പുറത്തുവരുന്ന റിപ്പോർട്ടുകൾ മമ്മൂട്ടി ആരാധകരെ ധർമ്മസങ്കടത്തിലാക്കിയിരിക്കുകയാണ്.

പോക്കിരി രാജയുടെ രണ്ടാം ഭാഗമായ രാജ 2 നിര്‍മിയ്ക്കാന്‍ ടോമിച്ചന്‍ മുളകുപാടം തയ്യാറല്ലത്രെ. ചിത്രം നിര്‍മിയ്ക്കുന്നതില്‍ നിന്ന് ടോമിച്ചന്‍ പിന്മാറിയതു കാരണം സിനിമ ഉപേക്ഷിച്ചു എന്നാണ് സ്ഥിരീകരിക്കാത്ത വാര്‍ത്തകള്‍. മലയാളത്തിലെ മറ്റൊരു ബിഗ് ബജറ്റ് ചിത്രമായി ഉയരുന്ന രാജ 2 പുലിമുരുകന്റെ നിര്‍മാതാവ് ടോമിച്ചന്‍ തന്നെ നിര്‍മിയ്ക്കുമെന്ന് ഔദ്യോഗിക പ്രഖ്യാപനങ്ങൾ ഉണ്ടായിരുന്നു. 

പ്രഖ്യാപിച്ചതില്‍ പിന്നെ ചിത്രത്തെ കുറിച്ച് കൂടുതല്‍ വിവരങ്ങളൊന്നും പുറത്തുവന്നിരുന്നില്ല. തിരക്കഥാ എഴുത്തിന്റെ തിരക്കിലാണെന്നാണ് വൈശാഖ് അറിയിച്ചത്. എന്നാല്‍ ഇപ്പോള്‍ കേള്‍ക്കുന്നു ചിത്രത്തിന്റെ നിര്‍മാണ ചുമതലയില്‍ നിന്ന് ടോമിച്ചന്‍ മുളകുപാടം പിന്മാറി എന്ന്. വൈശാഖ് എഴുതി ഏല്‍പിച്ച തിരക്കഥ പ്രതീക്ഷയ്‌ക്കൊത്ത് ഉയരുന്നില്ല. തിരക്കഥ ഇഷ്ടപ്പെടാത്തതിനാല്‍ ടോമിച്ചന്‍ പിന്മാറുന്നു എന്നാണ് വാര്‍ത്തകള്‍.