ഗ്രേറ്റ്‌ഫാദര്‍ കണ്ട് ഞെട്ടി, ഹനീഫ് അദേനിക്ക് മോഹന്‍ലാലിന്‍റെ ഡേറ്റ്? ഡോണ്‍ ആവാന്‍ മോഹന്‍ലാല്‍ !

ദി ഗ്രേറ്റ്ഫാദര്‍ വരികയാണ്. ഈ മാസം 30ന് ചിത്രം പ്രദര്‍ശനത്തിനെത്തും. നവാഗതനായ ഹനീഫ് അദേനി സംവിധാനം ചെയ്ത ഈ മമ്മൂട്ടിച്ചിത്രം മലയാള സിനിമ ഇതുവരെ കണ്ടിട്ടില്ലാത്ത ഹൈപ്പാണ് ഉയര്‍ത്തിയിരിക്കുന്നത്.

ഇപ്പോള്‍ ലഭിക്കുന്ന വിവരം അനുസരിച്ച് ഹനീഫ് അദേനിക്ക് മോഹന്‍ലാല്‍ ഡേറ്റ് നല്‍കിയിരിക്കുകയാണ്. ഗ്രേറ്റ്ഫാദര്‍ ഒരുക്കിയിരിക്കുന്നതിന്‍റെ ശൈലി അങ്ങേയറ്റം ഇഷ്ടപ്പെട്ട മോഹന്‍ലാല്‍ ഹനീഫ് അദേനിക്ക് അടുത്ത പടത്തിനായി ഡേറ്റ് നല്‍കുകയായിരുന്നു എന്നാണ് വിവരം.

ഒരു മികച്ച ത്രില്ലര്‍ കഥയാണത്രേ മോഹന്‍ലാലിനായി ഹനീഫ് അദേനി തയ്യാറാക്കിയത്. എന്തായാലും ആദ്യചിത്രം മമ്മൂട്ടിയെയും രണ്ടാം ചിത്രം മോഹന്‍ലാലിനെയും നായകന്‍‌മാരാക്കി ഒരുക്കാന്‍ അവസരം ലഭിച്ച അപൂര്‍വം സംവിധായകരുടെ ഗണത്തിലേക്ക് ഹനീഫ് അദേനി ഇടം പിടിക്കുകയാണ്.

ഒടുവിലാന്‍: ഹനീഫ് അദേനി ഗ്രേറ്റ്ഫാദറിന്‍റെ കഥയുമായി ആദ്യം സമീപിച്ചത് പൃഥ്വിരാജിനെയാണ്. ചിത്രത്തില്‍ പൃഥ്വി നായകനാകണമെന്നായിരുന്നു അദേനിയുടെ ആഗ്രഹം. എന്നാല്‍ ഈ ചിത്രം കൂടുതല്‍ യോജിക്കുക മമ്മൂട്ടിക്കായിരിക്കുമെന്ന് പറഞ്ഞത് പൃഥ്വിയാണ്. ഗ്രേറ്റ്ഫാദര്‍ നിര്‍മ്മിക്കാനും പൃഥ്വി തയ്യാറായി.