അയ്യപ്പനും കോശിയും തമിഴ് റീമേക്ക്, ഔദ്യോഗിക പ്രഖ്യാപനം നാളെ ?

സച്ചി സംവിധാനം ചെയ്ത അയ്യപ്പനും കോശിയും തമിഴ് റീമേക്കിനെക്കുറിച്ചുള്ള ഔദ്യോഗിക സ്ഥിരീകരണം നാളെ ഉണ്ടാകുമെന്നാണ് കോളിവുഡിൽ നിന്നുള്ള റിപ്പോർട്ട്. ചിത്രത്തിന്റെ തമിഴ് റീമേക്ക് അവകാശം നിർമ്മാതാവ് കതിരേശന്‍ സ്വന്തമാക്കിയിരുന്നു. കാര്‍ത്തിയും പാര്‍ഥിപനും ഈ സിനിമയിലെ നായകന്‍‌മാരാകുമെന്നാണ് സൂചനകള്‍. എന്നാല്‍ ഔദ്യോഗിക അറിയിപ്പുകള്‍ ഒന്നും ലഭിച്ചിട്ടില്ല.

ജെ എ എന്റര്‍ടെയിന്‍മെന്റിന്റെ ബാനറിൽ ജോൺ എബ്രഹാം അയ്യപ്പനും കോശിയും ഹിന്ദിയിൽ റീമേക്ക് ചെയ്യുന്നുണ്ട്. സിതാര എന്റര്‍ടെയ്ന്‍‌മെന്റ്‌സാണ് സിനിമയുടെ തെലുങ്ക് റീമേക്ക് അവകാശം സ്വന്തമാക്കിയിരിക്കുന്നത്. പവന്‍ കല്യാണും നിതിനുമാണ് നായകന്‍‌മാര്‍.