ആ രംഗങ്ങള്‍ പിറന്നത് ഇങ്ങനെ, 'നവരസ' ടീസര്‍ മേക്കിംഗ് വീഡിയോ

നെറ്റ്ഫ്ളിക്സിലൂടെ വരാനിരിക്കുന്ന തമിഴ് ആന്തോളജി ചിത്രമാണ് നവരസ. ഓഗസ്റ്റ് ഒമ്പതിന് സ്ട്രീമിങ് ആരംഭിക്കും.ഒന്‍പത് ഹ്രസ്വചിത്രങ്ങള്‍ ചേര്‍ന്ന ഈ സിനിമയുടെ ടീസര്‍ ഏറെ ശ്രദ്ധ നേടിയിരുന്നു.ഇപ്പോഴിതാ, ടീസറിന്റെ മേക്കിംഗ് വിഡിയോ പുറത്തുവിട്ടിരിക്കുകയാണ് നിര്‍മ്മാതാക്കള്‍.

കോപം, അനുകമ്പ, ധൈര്യം, വെറുപ്പ്, ഭയം, ചിരി, സ്‌നേഹം, സമാധാനം, ആശ്ചര്യം ഇങ്ങനെയുള്ള 9 ഭാവങ്ങള്‍ ചേര്‍ന്ന് ഓരോ ഹസ്വ ചിത്രങ്ങള്‍ ചിത്രത്തില്‍ ഉണ്ടാകുമെന്ന് പ്രതീക്ഷിക്കുന്നു.തുനിന്ത പിന്‍ (കറേജ്), രൗദിരം, എതിരി, സമ്മര്‍ ഓഫ് 92, പീസ്, പായസം, ഇന്മെ, പ്രൊജക്ട് അഗ്‌നി തുടങ്ങിയ ചിത്രങ്ങള്‍ ചേര്‍ന്നാണ് നവരസ.മണിരത്നവും ജയേന്ദ്ര പഞ്ചപാകേശനും ചേര്‍ന്നാണ് നവരസ നിര്‍മ്മിച്ചിരിക്കുന്നത്.