സംവിധായകന്‍ ഷാനവാസ് കണ്ടെത്തിയ പ്രതിഭയുള്ള നടനാണ് ദേവ് മോഹന്‍.
സൂഫിയും സുജാതയും എന്ന ഒറ്റ ചിത്രത്തിലൂടെ ശ്രദ്ധേയനായ താരം ഇനി പാന്‍-ഇന്ത്യന്‍ ചിത്രത്തില്‍ നായകനാകാന്‍ ഒരുങ്ങുന്നു. ശാകുന്തളത്തെ ആസ്പദമാക്കി നിര്‍മ്മിക്കുന്ന പുതിയ ചിത്രം സംവിധായകന്‍ ഗുണശേഖരന്‍ അടുത്തിടെയാണ് പ്രഖ്യാപിച്ചത്. ശകുന്തളയായി സാമന്ത എത്തുന്ന ചിത്രത്തില്‍ ദേവ് മോഹനും ഉണ്ടാകുമെന്ന് സ്ഥിരീകരിച്ചു.
ഈ മാസം തന്നെ സിനിമയുടെ ചിത്രീകരണം ആരംഭിക്കും. ഹൈദരാബാദാണ് പ്രധാന ലൊക്കേഷനുകളിലൊന്ന്.നിലവില്‍ പുള്ളി എന്ന സിനിമയുടെ ഷൂട്ടിംഗിലാണ് നടന്. ഏകദേശം 12 ദിവസത്തെ ചിത്രീകരണം കൂടിയാണ് ഇനി നടന് ബാക്കിയുള്ളത്. തന്റെ ആദ്യചിത്രം കണ്ടിട്ട് തന്നെയാണ് ഈ പാന്‍-ഇന്ത്യന്‍ ചിത്രത്തിലേക്ക് ക്ഷണിച്ചതെന്നും അദ്ദേഹം വെളിപ്പെടുത്തി. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലായി സിനിമ റിലീസ് ചെയ്യും. ഇന്ത്യന്‍ സിനിമയിലെ പ്രമുഖ താരങ്ങള്‍ ഈ ചിത്രത്തില്‍ ഉണ്ടാകും എന്നാണ് അറിയാന്‍ കഴിയുന്നത്.