ദിലീപ് 148 എന്ന ചിത്രത്തിന്റെ രണ്ടാം ഷെഡ്യൂള്‍ കട്ടപ്പനയില്‍ പുരോഗമിക്കുകയാണ്. 50ലധികം ദിവസം ചിത്രീകരണം നീണ്ടുനില്‍ക്കും. ഇതോടെ സിനിമയുടെ ഷൂട്ടിംഗ് പൂര്‍ത്തിയാകും.
മാര്‍ച്ച് എട്ടിന് ആയിരുന്നു ആദ്യ ഷെഡ്യൂള്‍ പൂര്‍ത്തിയായത്. രണ്ടാം ഷെഡ്യൂളില്‍ ചില സുപ്രധാന രംഗങ്ങള്‍ ചിത്രീകരിക്കേണ്ടതുണ്ട്.കട്ടപ്പനയ്ക്കടുത്ത് രണ്ടരയേക്കര്‍ സ്ഥലത്ത് വലിയ സെറ്റ് ഒരുക്കിയിട്ടുണ്ട്.ആര്‍ട്ട് ഡയറക്ടര്‍ മനു ജഗത് ഇതിന് പിന്നില്‍ പ്രവര്‍ത്തിച്ചത്.ആയിരത്തോളം ജൂനിയര്‍ ആര്‍ട്ടിസ്റ്റുകളെ ഉപയോഗിച്ച് 15 ദിവസത്തെ ചിത്രീകരണം സെറ്റില്‍ ഉണ്ടാകും.
സൂപ്പര്‍ ഗുഡ് ഫിലിംസിന്റെ ബാനറില്‍ ആര്‍. ബി. ചൗധരിയും ഇഫാര്‍ മീഡിയയുടെ ബാനറില്‍ റാഫി മതിരയും ചേര്‍ന്ന് നിര്‍മ്മിക്കുന്ന ചിത്രത്തിന് കഥയെഴുതി സംവിധാനം ചെയ്യുന്നത് രതീഷ് രഘുനന്ദനാണ്.
നീത പിളള, പ്രണിത സുഭാഷ് ,അജ്മല്‍ അമീര്‍, സുദേവ് നായര്‍,സിദ്ദിഖ്, മനോജ് കെ ജയന്‍, കോട്ടയം രമേഷ്, മേജര്‍ രവി,സന്തോഷ് കീഴാറ്റൂര്‍,അസീസ് നെടുമങ്ങാട്,തൊമ്മന്‍ മാങ്കുവ,ജിബിന്‍ ജി, അരുണ്‍ ശങ്കരന്‍, മാളവിക മേനോന്‍, രമ്യ പണിക്കര്‍, മുക്ത, ശിവകാമി, അംബിക മോഹന്‍,സ്മിനു,ജോണ്‍ വിജയ്, സമ്പത്ത് റാം തുടങ്ങിയവരാണ് പ്രധാന വേഷങ്ങളില്‍ എത്തുന്നത്.