രണ്ട് മതത്തില്‍നിന്ന് അച്ഛനും അമ്മയും, ഇരുവര്‍ക്കുമിടയില്‍ 'മകള്‍', ഇനി തിയേറ്ററുകളിലേക്ക് എത്താന്‍ വൈകില്ല

ജയറാം-സത്യന്‍ അന്തിക്കാട് ചിത്രം മകള്‍ റിലീസിന് ഒരുങ്ങുകയാണ്. വര്‍ഷങ്ങള്‍ക്കുശേഷം മീര ജാസ്മിന്‍ അഭിനയരംഗത്തേക്ക് തിരിച്ചെത്തുന്ന ചിത്രത്തെക്കുറിച്ച് ഒരു സൂചന നിര്‍മ്മാതാക്കള്‍ നല്‍കി.

'അച്ഛനും അമ്മയും രണ്ട് മതത്തില്‍നിന്ന് ആയത് എന്റെ കുറ്റം കൊണ്ടാണോ ? അറിയാതെ ഒന്ന് കുരിശു വരച്ചാല്‍ അച്ഛന്‍ ഞെട്ടും. 'എന്റെ ഗുരുവായൂരപ്പാ' എന്നൊന്ന് വിളിച്ചു പോയാല്‍ അമ്മ കണ്ണുരുട്ടും'- ചിത്രത്തിലെ മകള്‍ കഥാപാത്രം പറയുന്ന ഡയലോഗ് പങ്കുവെച്ചു കൊണ്ടാണ് പുതിയ പോസ്റ്റര്‍ പുറത്തിറങ്ങിയത്.

'അച്ഛനും അമ്മയും ചിന്തിക്കുന്നതുപോലെയല്ലല്ലോ മക്കള്‍ ചിന്തിക്കുന്നത്'- എന്ന കുറിച്ചുകൊണ്ടാണ് സിനിമയുടെ സെക്കന്‍ഡ് ലുക്ക് പോസ്റ്റര്‍ സംവിധായകന്‍ പുറത്തിറക്കിയത്.

മീര ജാസ്മിന്‍, ദേവിക, ഇന്നസെന്റ്, ശ്രീനിവാസന്‍ തുടങ്ങി താരനിര ചിത്രത്തിലുണ്ട്.