വ്യത്യസ്ത ഗെറ്റപ്പില്‍ നാനി,'ശ്യാം സിങ്ക റോയ്' ഫസ്റ്റ് ലുക്ക് എത്തി!

37-ാം ജന്മദിനം ആഘോഷമാക്കുകയാണ് തെലുങ്കു താരം നാനി. അദ്ദേഹത്തിന്റെ വരാനിരിക്കുന്ന ചിത്രമായ 'ശ്യാം സിങ്ക റോയ്'ലെ ഫസ്റ്റ് ലുക്ക് പുറത്തുവന്നു. മലയാളി താരം മഡോണ സെബാസ്റ്റ്യനും സായി പല്ലവിയും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്. നാനിയുടെ 27-ാമത്തെ ചിത്രം കൂടിയാണിത്.വിജയ് ദേവേരകൊണ്ടയുടെ 'ടാക്സിവാല' എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ച രാഹുല്‍ സംക്രിത്യന്‍ ആണ് ഈ ചിത്രം സംവിധാനം ചെയ്യുന്നത്.

ചിത്രത്തിലെ നായിക നാനിയെ പിറകില്‍നിന്ന് കെട്ടിപ്പിടിച്ച് നില്‍ക്കുന്ന ചിത്രമാണ് ഫസ്റ്റ് ലുക്ക് പോസ്റ്ററില്‍ കാണാനാകുന്നത്. പഴയ കാലഘട്ടത്തെ ഓര്‍മ്മിപ്പിക്കുംവിധം റിക്ഷാ വണ്ടിയും ടൈപ്പ്‌റൈറ്ററും എല്ലാം പോസ്റ്ററിന് പശ്ചാത്തലം ആകുന്നു.സായി പല്ലവി, കൃതി ഷെട്ടി, മഡോണ സെബാസ്റ്റ്യന്‍ എന്നീ മൂന്ന് നായികന്മാരാണ് ചിത്രത്തിലുള്ളത്.

 സായി പല്ലവിയും നാനിയും മുമ്പ് 'മിഡില്‍ ക്ലാസ് അബ്ബായി' എന്ന ചിത്രത്തില്‍ ഒരുമിച്ച് പ്രവര്‍ത്തിച്ചിട്ടുണ്ട്.'മഹാനടി' എന്ന ചിത്രത്തിലൂടെ ശ്രദ്ധേയനായ മിക്കി ജെ മേയറിന്റെതാണ് സംഗീതം.സാനു ജോണ്‍ വര്‍ഗ്ഗീസ് ഛായാഗ്രഹണം നിര്‍വഹിക്കുന്നു.നിഹാരിക എന്റര്‍ടൈന്‍മെന്റാണ് ചിത്രം നിര്‍മ്മിക്കുന്നത്.