സുരാജ് വെഞ്ഞാറമൂടും ആന്‍ അഗസ്റ്റിനും ഒന്നിക്കുന്നു, 'ഓട്ടോറിക്ഷക്കാരന്റെ ഭാര്യ' വരുന്നു

സുരാജ് വെഞ്ഞാറമൂടും ആന്‍ അഗസ്റ്റിനും ഒന്നിക്കുന്നു.'ക്ലിന്റ്' എന്ന 

ചിത്രം ഒരുക്കിയ ഹരികുമാറാണ് ഈ സംവിധാനം ചെയ്യുന്നത്. എം മുകുന്ദന്റെ ചെറുകഥയായ 'ഓട്ടോറിക്ഷക്കാരന്റെ ഭാര്യ'യെ ആസ്പദമാക്കിയാണ് സിനിമ ഒരുങ്ങുന്നത്. അദ്ദേഹം തന്നെയാണ് ഈ സിനിമയുടെ തിരക്കഥയും ഒരുക്കുന്നത്.അലസനായ ഓട്ടോറിക്ഷ ഡ്രൈവര്‍ സജീവനെ ചുറ്റിപ്പറ്റിയാണ് കഥ മുന്നോട്ട് പോകുന്നത്. പിന്നീട് രാധികയെ വിവാഹം കഴിക്കുകയും തുടര്‍ന്നുണ്ടാകുന്ന സംഭവവികാസങ്ങളുമാണ് സിനിമ. ശക്തമായ കഥാപാത്രത്തെയാണ് ആന്‍ അവതരിപ്പിക്കുന്നത്.

ആദ്യം പാര്‍വതിയെയും ബിജു മേനോനെയും കേന്ദ്ര കഥാപാത്രങ്ങളാക്കി സിനിമ നിര്‍മ്മിക്കാന്‍ ആയിരുന്നു പദ്ധതിയിട്ടിരുന്നത്. പിന്നീട് ഈ കഥാപാത്രത്തിനായി മഞ്ജുവാര്യരുടെ പേര് ഉയര്‍ന്നു കേട്ടിരുന്നു. ഒടുവിലാണ് ആന്‍ അഗസ്റ്റിനെ നിര്‍മ്മാതാക്കള്‍ ടീമിനൊപ്പം ചേര്‍ത്തത്. സിനിമയിലേക്ക് വലിയൊരു തിരിച്ചുവരവിന് ഒരുങ്ങുകയാണ് നടി.2015 ല്‍ പുറത്തിറങ്ങിയ 'നീനാ' എന്ന ചിത്രത്തിനും ആന്‍ അഭിനയിക്കുന്ന ചിത്രം കൂടി ആകുമിത്.