ജൂലൈ 23, നാളെ സൂര്യയുടെ 46-ാം ജന്മദിനം. പിറന്നാള്‍ ആരാധകര്‍ക്ക് ആഘോഷമാക്കാനായി 'സൂര്യ 40' ഫസ്റ്റ് ലുക്ക് ഇന്ന് എത്തും. പുതിയ പ്രീ ലുക്ക് ടീസര്‍ പുറത്തിറക്കി കൊണ്ടാണ് നിര്‍മ്മാതാക്കള്‍ ഇക്കാര്യം അറിയിച്ചത്.
ഫസ്റ്റ് ലുക്കും ടൈറ്റിലും ഉള്‍പ്പെടെയുള്ള വിവരങ്ങള്‍ ഇന്ന് ആറുമണിക്ക് പുറത്തുവരും. കൈയ്യില്‍ വാളുമായി തിരിഞ്ഞ് നില്‍ക്കുന്ന സൂര്യയുടെ രൂപമാണ് പുതിയ പ്രീ ലുക്കില്‍ ഉള്‍പ്പെടുത്തിയിരിക്കുന്നത്. ആക്ഷന്‍ രംഗങ്ങള്‍ ഒരുപാടുള്ള മാസ്സ് ചിത്രം ആകാനാണ് സാധ്യത.
ഒരു ഇടവേളയ്ക്ക് ശേഷം 'സൂര്യ 40' ചിത്രീകരണം ജൂലൈ 13നായിരുന്നു പുനരാരംഭിച്ചത്. നിലവില്‍ ഷൂട്ടിംഗ് തിരക്കിലാണ് സൂര്യ.
ചെന്നൈ, മധുര, കാരൈക്കുടി എന്നിവിടങ്ങളിലാണ് ചിത്രത്തിന്റെ ചിത്രീകരണം നടക്കുന്നത്. നിലവിലെ ഷെഡ്യൂള്‍ കാരൈക്കുടിയിലാണ്. ഷൂട്ടിംഗിനായി ഒരു അപ്പാര്‍ട്ട്‌മെന്റ് നിര്‍മ്മാതാക്കള്‍ വാടകയ്ക്ക് എടുത്തിട്ടുണ്ട്.പാണ്ടിരാജ് സംവിധാനം ചെയ്യുന്ന ചിത്രത്തിന്റെ 35% ഷൂട്ടിംഗ് പൂര്‍ത്തിയായി.
'ഗ്യാങ് ലീഡര്‍' എന്ന ചിത്രത്തിലൂടെ ശ്രദ്ധേയയായ പ്രിയങ്ക അരുള്‍ മോഹനാണ് നായിക. സത്യരാജ്, ശരണ്യ പൊന്‍വണ്ണന്‍, ജയപ്രകാശ്, ഇളവരശന്‍, ദേവദര്‍ശനി, ശരണ്‍ എന്നിവരാണ് മറ്റ് പ്രധാന വേഷങ്ങളില്‍ എത്തുന്നത്.രത്നവേലു ചായാഗ്രഹണവും റൂബന്‍ എഡിറ്റിംഗും നിര്‍വഹിക്കുന്നു. ഡി ഇമ്മന്‍ ചിത്രത്തിനായി സംഗീതം ഒരുക്കുന്നു.